Мудар потег: Пар, во потрага по својата среќа, го продал својот дом во Манчестер за да се преселат на Бали, кадешто киријата им е НЕВЕРОЈАТНИ 2.300 евра годишно

Штедлив пар кој го продал својот дом и вредни работи, за да можат да се преселат на Бали, велат дека нивната кирија сега е само сонливи 2300 евра годишно.

Мет Диринг (36) и партнерката Карли Донели (35), по потекло од Манчестер, направиле храбар чекор за да можат да живеат „финансиски слободни“ откако се умориле од „животот за работа“.

Двојката не размислувала двапати пред да одлучи дали да го продаде својот дом со три спални за 400.000 евра или да го замени животот со придобивките кои ги нуди Индонезија.

Преселбата во нивниот трособен дом во Убуд, исто така, им овозможува на родителите да поминуваат што е можно повеќе време со нивните три деца, Линколн (7), Далила (4) и Аделаида (1).
Тие резервирале билети во еден правец во ноември минатата година, иако роднините мислеле дека се „луди“ и не верувале дека ќе поминат низ тоа.

Мет, рече: „Ова беше нешто што сакаме да го направиме со години. Неколку пати одевме во Шпанија, а јас барав пештерски куќи бидејќи сакав да излезам од комфор зоната. Во Обединетото Кралство дојдов до точка кога не поминував многу време со моите деца. Би поминал околу еден час со нив пред спиење.
Постојано бркав сметки и работев. Направив многу истражување за Бали бидејќи има туризам преку целата година, а времето е одлично.
Тој додава дека конечно дошло време да се „избега од трката со стаорци“ која го натерала да работи „десет часа, понекогаш седум дена во неделата“.

Во март 2023 година, по многу истражувања, парот пронашол куќа со три спални на Бали за изнајмување за само 2.300 евра годишно, како и парцела од 1.200 квадратни метри за 100.000 евра.
Парот сега планира да изградат сопствен дом што ќе им заштеди 250.000 евра вкупно.
Тие градат две вили со четири или пет спални соби, а имаат куќа со три кревети на посебно земјиште во кое ќе живее семејството додека изградбата е во тек.

Секој викенд сега е семеен викенд, одиме на друга плажа или водопад и се чувствуваме како да сме започнале нов живот.
„Назад во Манчестер не би ги пуштал моите деца да излезат од градината, сега тие се постојано надвор, играат на оризови полиња – никогаш порано не го доживеале тоа“.
Кога семејството првпат пристигнало на Бали, тие поминале три месеци во обиколка на знаменитостите и  во посета на плажата Канггу и Ловина, пред да се населат во Убуд, Бали.
Мет размислув за тоа дека мора да ги повлече децата од училиште пред да го започнат својот нов живот.

„Навистина имавме среќа овде, луѓето се неверојатни. Моите деца уживаат во училиштето и тука стекнуваме многу добри пријатели“.
Сепак, Мет вели дека има еден недостаток од целата оваа ситуација.
„Единственото нешто во врска со одењето од својата земја се луѓето и конекциите. Се надеваме дека ќе дојдеме до точка каде што ќе можеме да го пренесеме нашето семејство овде целосно и планираме да се вратиме во Англија на два до три месеци годишно”.

Двојката го споделува своето патување на нивниот „TikTok” – @serenitylivingbali – со надеж дека ќе ги инспирира другите луѓе да го направат истиот чекор.