„Моето дете е толку пребирливо и не сака да јаде ништо, па често јадеме крофни за доручек, ручек и вечера. Другите родители ме осудуваат и велат дека е моја вина…”

Една мајка е критикувана затоа што му „овозможила“ на своето дете, кое е пребирливо во врска со храна, да јаде крофни за појадок, ручек и вечера.

Елизабет Меклај на „TikTok” сподели видео од нејзиното мало дете Мила кое одбива вечера од макарони, сирење и зеленчук.

Мајката буквално го моли своето дете „само да проба“ и објаснува дека двегодишното дете било возбудено за оброкот додека се готви.
„Искрено, мислев дека доењето е тешко, но потоа добив пребирливо дете. Времето на оброците е стресно, а понекогаш тоа значи и крофни за појадок, ручек и вечера“, вели таа.
Во видеото таа бара од девојчето да касне – но младото девојче ја турка вечерата.

Наместо тоа, таа бара торта за вечера и плаче кога Елизабет вели дека немаат.
Мила тогаш потврдува дека не сака вечера.
Нејзината мајка вели дека треба да јаде и тие се одлучуваат за „розови колачиња“.
Мила радосно зема еден залак пред да заплаче и да го оттурне.
„Оброкот“ го завршува со чинија бобинки.

Видеото го виделе милиони луѓе на платформата.
И додека некои се сочувствуваа со исцрпената мајка на две деца, многумина ја искористија можноста да ја осудат.

„Пребирлива е затоа што и е дозволено, браво Мила“, изјави една жена.