Кевин Де Брујн ги изненади колегите од „Манчестер Сити”, со платинести „iPhone”-и направени по нарачка, за да ја одбележат историската сезона на клубот за освојувањето на тројната круна. Што мислите, колку чини еден ваков „iPhone”?

Кевин Де Брујн им подари на своите соиграчи од „Манчестер Сити” платинести „iPhone 14” соодветно за да ја одбележат историската сезона на клубот по освојувањето на тројна круна.

Пред почетокот на новата сезона во „Премиер лигата”, белгиската суперѕвезда им подели 26 специјално нарачани телефони, од кои секој од нив вреди по 6.000 долари.

Де Брујн ги претстави луксузните подароци, изработени од водечките светски дизајнери на  мобилни телефони „iDesign Gold”, на изненадувачки собир во четвртокот.

Овој потег беше инспириран од тоа што Лионел Меси им подари 35 24-каратно златни „iPhone”-и во вредност од 180.000 долари на аргентинскиот тим и персоналот кој победи на Светското првенство претходно оваа година.
По иницијативата на Де Брујн, екипата на Пеп Гвардиола е во преговори за договор за партнерство за создавање уникатни „iPhone” по нарачка.

Сезоната 2022-2023 беше најдобрата во 129-годишната историја на Сити, бидејќи тимот на Гвардиола стана само вториот англиски тим што го постигнал реткиот подвиг да ја освои Премиер лигата, Лигата на шампионите и ФА Купот.