Нов вид морско чудовиште, со 20 „пипци”, е пронајдено како демне во замрзнатите мориња околу Антарктикот

Научниците на истражувачки брод во близина на брегот на Антарктикот, фатија ново подморско суштество – со 20 раце и чудно тело.
Целта на експедициите на истражувачите, спроведени помеѓу 2008 и 2017 година, беше лов на „криптични“ морски животни: група позната како „Promachocrinus”, или пердуви на Антарктикот.

Иако слични на другите без’рбетници на океанските животни, како што се морските ѕвезди и морските „краставици”, пердувестите ѕвезди се разликуваат и по нивната големина и несекојдневен изглед кога пливаат, велат истражувачите.
Тие можат да живеат насекаде, од 19 метри до околу 2000 метри под површината на океанот, каде што се пронајдени осум уникатни видови, вклучувајќи четири никогаш досега именувани од научниците.

До овој момент, само еден единствен вид беше недвосмислено препознаен како составен дел на овој род, означен како „Promachocrinus kerguelensis”.

Научниците забележаа дека нивниот капацитет соодветно да класифицираат бројни дополнителни различни членови во рамките на родот стана возможен дури сега благодарение на испитувањето на ДНК и на физичката морфологија, или обликот, на овие организми.
„Ѕвездата од пердуви”на Антарктикот, според тимот, може да се движи во боја од „виолетова“ до „темно црвеникава“.
Новата студија беше објавена овој јули во рецензираното списание „Invertebrate Systematics”.