Нема криење, со новите камери со вештачка интелигенција, полицијата ќе може да ве казни ако користите мобилен додека возите!

Новите камери со вештачка интелигенција фатиле речиси 300 луѓе како прават прекршоци во возењето, само три дена откако биле распоредени на еден од најпрометните патишта во Девон, Велика Британија.

Камерата снимила 117 луѓе кои ги користат своите мобилни телефони додека возат и 130 во автомобили без појаси откако била инсталирана на автопатот А30 во близина на Лонсстон во Девон. Најсовремената камера за надзор користи технологија за вештачка интелигенција за да ги идентификува луѓето што прават прекршоци за возење со цел да се обезбеди кривично гонење.

Самостојната камера прави фотографии со висок квалитет кои потоа се прегледуваат од софтвер за вештачка интелигенција кој одредува дали е направен прекршок.
Сите докази потоа се испраќаат во полиција, каде што фотографиите ги прегледува лице за да потврди дали се случил прекршок.
Доколку е направен прекршок, тогаш на возачите ќе им биде испратено предупредувачко писмо или известување за планираното гонење, според „Би- Би-Си“.

Новопоставените камери успешно идентификуваа речиси 300 лица кои направиле прекршоци за возење во период од 72 часа.

Камерата е поставена од австралиската технолошка компанија „Acusensus“ во партнерство со добротворната организација за безбедност на патиштата „Vision Zero South West“ и полицијата во Девон и Корнвол.

Испитувањето на камерата во Девон доаѓа откако камерите со вештачка интелигенција беа распоредени на патиштата низ Девон и Корнвол како дел од 15-дневното тестирање во септември 2022 година. Тогаш беа фатени 590 луѓе кои возат без појаси и уште 40 луѓе кои ги користеле своите телефони зад воланот. Ваквиот систем за безбедност на патиштата доаѓа откако имаше 48 смртни случаи на патиштата и 738 сериозни повреди во Корнвол и Девон во 2022 година.