Оваа корејска „убавица” малку не штима: „Со таков струк и тело, таа си живее во свој универзум!”

Девојка од Јужна Кореја предизвикува врева на социјалните мрежи со своите внимателно монтирани фотографии.

Шашејле (sʜᴀsʜᴀᴇɪʟᴇ), која има над 288.000 следбеници на Инстаграм, објавува фотографии на интернет за да ја промовира својата онлајн модна продавница.

На сликите кои се многу фотошопирани, корејската убавица има неприродни црти на лицето како што се непропорционално долги екстремитети, неверојатно мала глава и зашилена брада во форма на V.

Таа има и огромни гради, тенок струк и застрашувачки долг врат.

Фотографиите на Шашејле предизвикаа потсмев на интернет, а стотици луѓе ја пополнија нејзината страница со саркастични коментари за нејзиниот изглед.

„Таа е толку природна и вистинска, ја сакам!!! — напиша еден човек.

„Навистина сакам да видам како изгледа без филтри и уредување“, коментира друг.

Многу фанови истакнаа дека многу од фотографиите и видеата на манекенката имаат искривена позадина, што е јасен знак дека тие се многу монтирани.

„Таа самата е мајка на универзумот, начинот на кој го искривува времето и просторот околу неа“, се пошегува еден од нив.

„Погледнете како ја искривува реалноста, вистинската кралица“, рече друга.