Викенд е и може да наздравиме! Научниците тврдат дека пивото може да биде полезно за вашето здравје. Еве како!

Пиењето пиво може да биде добро за здравјето на цревата и за вашиот имунолошки систем, сугерираат научниците. Истражувачите открија дека пиењето пиво во умерени количини може да биде подобро за некои аспекти на вашето здравје.

Се смета дека пиењето пиво го зајакнува имунолошкиот систем на телото поради збирката на здрави бактерии кои имаат корист за цревата. Утврдено е дека е поефективен од пробиотиците кога се пие во умерени количини. Пробиотиците се живи бактерии и квасци кои имаат наводни здравствени придобивки. Се смета дека овие микроорганизми помагаат да се врати природната рамнотежа во цревата кога е нарушена од некоја болест и да се борат со сите преостанати лоши бактерии. Тие се наоѓаат во трендовските кимчи и комбуха, но ги има и во сирењето и јогуртот.

„Како долго воспоставен ферментиран пијалок, пивото е богато со многу есенцијални амино киселини, витамини, елементи во трагови и биоактивни супстанции кои се вклучени во регулирањето на многу човечки физиолошки функции“, велат научниците.

„Поради конверзијата на супстратите на пивото, формирањето на биоактивни крајни производи и присуството на микроорганизми, некои од неговите компоненти имаат „слични“ или дури и поголеми ефекти од пробиотиците“.

Студијата објавена во списанието „Frontiers in Nutrition“ вели: „Комбинирајќи ги овие резултати од студии кај луѓе и животни, постои консензус дека умереното консумирање пиво има корисен ефект врз имунолошкиот систем во споредба со состојбите на злоупотреба или апстиненција од алкохол. Кога консумирањето алкохол се контролира во безбедни граници, комбинираните ефекти на алкохолот и метаболизмот на другите компоненти врз цревната флора заслужуваат посеопфатна анализа“.

Професорот Навид Сатар, професор по кардиоваскуларно и метаболичко здравје на Универзитетот во Глазгов, вели дека прегледот „ја промашил пошироката слика“.

„Точно е дека дел од пивото може да има позитивно влијание врз здравјето, во одредени количини, но тие лесно се надминуваат со самиот алкохол“, изјави тој.

Утврдено е дека прекумерното пиење алкохол го зголемува ризикот од сериозни здравствени состојби како што се срцеви заболувања, мозочен удар, заболување на црниот дроб и неколку видови на рак.