Принцот Хари јавно посрамен на телевизија во Германија: Не успеа да даде ниеден гол, против германскиот министер, па казната беше неизбежлива

Принцот Хари беше принуден да носи шал од германски фудбалски тим на националната телевизија вчера, откако загуби од германски политичар во смешна игра.

Војводата од Сасекс не успеа со шест обиди да ја пикне топката во целта за време на фудбалското шоу „Das aktuelle Sportstudio“ – на германскиот канал „ZDF“ – пред министерот за одбрана Борис Писториус да постигне два гола по ред.

Хари го посети студиото за да ги промовира „Invictus Games“ и патуваше од Дизелдорф до Мајнц за да учествува во програмата по церемонијата на отворање.
Тој беше насмеан додека се соочуваше со предизвикот заедно со сојузниот министер за одбрана Борис Писториус и уште двајца гости. Потоа ја прашал водителката на шоуто Катрин Милер-Хоенштајн што ќе се случи ако не постигне гол.

Откако ко-водителот Свен Вос му кажа „мора да носиш германски дрес“, тие подоцна се решија за шалот на локалниот клуб „ФСВ Мајнц 05“.

И покрај тоа што остатокот од водителската екипа зборуваше германски, Хари продолжи на својот мајчин јазик – за разлика од неговиот татко, кралот Чарлс, кој беше пофален во март кога одржа говор делумно на германски кога го посети Берлин како дел од неговата прва државна посета како монарх.

Хари не е првиот кралски човек кој се појавил во спортското шоу, бидејќи претходно гостуваше шведската кралица Силвија, но тој е првиот член на британското кралско семејство што се појавил.