Руската „Крипто Кралица“ е уапсена во Москва за измама од 65 милиони евра

Валерија „Битмама“ Федијакина била приведена од полицијата на 15 септември, откако „познаник“ поднел пријава за измама.

Валерија се претставуваше себеси како крипто-инвеститор и го покажуваше својот „убав живот“ на социјалните мрежи.

Таа им ветила на своите клиенти огромен профит и еден од нив ѝ „донел“ на дамата 65 милиони евра. Валерија му ветила 1% од профитот од оваа сума и исчезнала.

Полицијата, верува дека и други лица ги инвестирале своите пари кај Федијакина, но се сомневале дека таа всушност управувала со „финансиска пирамида“.

Кога наводите излегоа на виделина, објавија медиумите, Федијакина се обидела да избега со средствата на нејзините инвеститори.

Медиумите објавија дека Федијакина била бремена во шестиот месец во моментот на апсењето и дека доколку биде осудена може да добие 10 години затвор. Сепак и покрај бременоста, таа е сместена во истражен затвор. Ова се должи на фактот дека Федијакина има државјанство од ОАЕ и полицијата верува дека таа може да ја напушти Русија.

Која е руската „крипто кралица“ Валерија Федијакина?

Крипто инфлуенсерот има дозвола за престој во ОАЕ и го наведе Дубаи како нејзина локација на каналите на социјалните медиуми.

Федијакина беше прогласена за една од „10-те иновативни и поттикнати жени претприемачи што треба да се следат во 2023 година“ во списокот објавен од International Business Times претходно оваа година.

Таа, исто така, беше прикажана во медиумите на англиски јазик како што е Arabian Post.

Федијакина (28) претходно зборуваше за потенцијалот на крипто за избегнување санкции за Русите и, наводно, работела со низа „богати“ клиенти.

Списанието „Москвич“ напиша дека „работела со крипто-разменувачите долго време“ и забележа: „Таа обично добива готовина од клиенти и повлекува средства во странство за одреден надомест“.

Федијакина тврдеше дека имала „обемни врски“ со „бизниси и државни корпорации“.

Истиот медиум напиша дека „дневниот промет“ на Битмама бил во „десетици милиони долари“.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!