„Луѓето не можат да ме разликуваат од ќерка ми и внука ми кога одиме во теретана – ова е тренингот за „анти-стареење“ што го правам за да останам млада“

Лесли Максвел, 65-годишна бодибилдерка, дури успева да дели облека со својата ќерка Ванеса Кристофи и 22-годишната внука Тиа Кристофи.

Фитнес фанатиците не сакаат ништо повеќе од вежбање, особено кога можат заедно да одат во теретана.

Трите генерации привлекуваат погледи во теретана и ги завршуваат истите предизвикувачки тренинзи со исти тежини.

Лесли, личен тренер од Мелбурн, Австралија, вели дека кога луѓето ќе ја видат како работи, се шокирани кога дознале дека е баба.

„Претпоставувам дека е малку невообичаено да се мисли дека баба прави дедлифтс во теретаната. Меѓутоа, би им препорачала вежбање со тегови на жени од сите возрасти бидејќи има толку многу здравствени придобивки од тренирањето на овој начин“.

Таа го нарече тренингот со тегови како „против стареење“ начин за да останете фит бидејќи ги зајакнува коските и помага во тонусот со додавање мускули.

„Обично правам четири тренинзи со тегови неделно, плус бидејќи сум тренер и во теретана повеќето денови, може да се каже дека вежбам случајно бидејќи често ги носам теговите за моите клиенти.

Исто така правам и демонстрации за вежбање, па претпоставувам дека и тоа помага.

Лесли рече дека луѓето секогаш се изненадени кога дознаваат дека Ванеса и Тиа се три различни генерации од исто семејство.

„Секогаш поминуваме прекрасно заедно, разговарајќи, се смееме и тренираме. Многу сум среќна што имам толку прекрасно семејство. Среќна сум што можам да ја делам облеката со ќерка ми и внуката. Кога правиме снимања заедно, поголемиот дел од облеката доаѓа од гардеробата на Тиа“.

Тиа, која е сопственик на агенција за маркетинг на социјалните мрежи, ги следеше стапките на мајката и бабата, љубители на фитнес. Таа вели дека луѓето често ја збунуваат Лесли дека ѝ е мајка, а не баба.

„Тие се чудат кога ќе ги поправам и ќе им кажам дека таа е моја баба. Се снимаме со баба ми како вежбаме и луѓето сакаат да го гледаат тоа. Таа е 43 години постара од мене и двете креваме тегови и ја следиме истата рутина на вежбање додека сме облечени во слична облека. Тоа беше видео кое стана вирално. Сакам да поминувам време со мајка ми и баба ми. Ние се мотивираме и инспирираме еднасо друга време на нашите тренинзи“.