Кога убавите моменти ќе се претворат во пекол: Бремена мајка открила дека има рак во 4 стадиум и ѝ биле дадени само 6 месеци живот

Линдзи Пар Гритон била само неколку недели пред да рече „добредојде“ на новиот член во нејзиното семејство, кога ја добила потресната вест дека иднината на нејзиното семејство може да претрпи значителна промена. За среќа, оваа приказна имаше многу среќен крај.
Во април 2022 година, Линдзи Пар Гритон, мајка од Џорџија, САД, била во 36-та недела од бременоста со своето второ дете кога забележала чувство на пецкање во градите. Таа сподели: „Отидов на доктор и мислеве дека е затнат канал или како некој вид маститис“, се сеќава таа. „Тие не се сомневаа во ништо“.

Сепак, самата интуиција на Гритон ја поттикнала да побара ултразвук и таа цврсто верувала дека застапувањето за себе направило клучна разлика. Таа изјави: „Буквално сама си го спасив сопствениот живот“.

Неколку дена подоцна, таа направила ултразвук, а истиот ден добила повик со вознемирувачка вест дека постои голема сомнеж дека грутката е канцерогена.
Набргу потоа, Гритон дознала дека има навистина агресивен тип на рак на дојка. „Сите беа уништени и не можеа да поверуваат, бидејќи немаме историја на рак на дојка во моето семејство од двете страни. Од страната на мајка ми или татко ми, навистина нема рак“, вели таа. „Тоа беше шок“.

Само една недела откако и посакала добредојде на својата ќерка, на Гритон, која исто така има 3-годишна ќерка, и било кажано дека има уште шест месеци живот. Било предоцна, а ракот се проширил, а таа веќе имала над дузина тумори во црниот дроб.
Во текот на шестмесечниот третман, Гритон нагласи дека сè уште се трудела да помине квалитетно време со своето семејство, негувајќи го секој момент бидејќи верувала дека нејзиното време е ограничено. „Ја земав секоја секунда, обидувајќи се да впијам сè“, се сеќава таа. „Направив лексикон, им пишував писма на моите деца, правев видеа, сè. Се обидував да направам се што можам“.

За среќа, до крајот на третманот, резултатите од тестовите не покажаа присуство на рак. „Бевме многу среќни откако дознавме дека нема рак во моето тело. Не можевме, искрено, никој не можеше да поверува. Беше навистина лудо и надреално“.
Година и пол по нејзината дијагноза, Линдзи Пар Гритон се чувствува подобро од било кога. Таа негува моменти со своето семејство, слави пресвртници како нејзиниот 30-ти роденден и првиот роденден на нејзината ќерка Савана. „Навистина е надреално затоа што едноставно не мислев дека ќе бидам тука. Така што секој момент е едноставно неверојатен“, споделува таа.

Гритон, исто така, ја сподели својата приказна на интернет за да ја подигне свеста за ракот на дојката кај младите жени, а нејзините видеа неочекувано добија популарност на „TikTok“.

.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!