Научниците веруваат дека ја открија ВИСТИНСКАТА причина поради која некои пациенти долго страдаа од Ковид-19

Научниците мислат дека можеби конечно ја откриле вистинската причина за долгиот Ковид период кој не можеа лесно да го пребродат многу луѓе.

Истражувачите од Универзитетот во Пенсилванија открија дека пациентите со долготрајна состојба имаат две заеднички работи. Имаат остатоци од вирусот во цревата и пониски нивоа на хормонот за „добро чувство“ серотонин. Додека серотонин често се смета во контекст на мозокот, 95 проценти од серотонинот во телото всушност се произведува во цревата.

Освен расположението, тој игра клучна улога во спиењето, варењето, гадењето, зараснувањето на раните, здравјето на коските, згрутчувањето на крвта и либидото – сето тоа на овој или оној начин е засегнато кај долготрајните пациенти со Ковид. Научниците ја проучувале крвта на 58 пациенти кои страдале од долг Ковид до 22 месеци по нивната инфекција. Тие ја споредија со крвта на 30 луѓе кои немаа никакви симптоми по нивната инфекција и 60 луѓе во раната, најтешка фаза на Ковид.

Мајајан Леви, еден од водечките автори на студијата, изјави за „Њујорк Тајмс“ дека количината на серотонин и други супстанции во телото се променила веднаш по инфекцијата со Ковид, што исто така се случува веднаш по други вирусни инфекции. Па, така по Ковид, серотонинот беше единствената важна молекула што не се вратила на нивоата пред инфекцијата.

Истражувачите, исто така, испитуваа примероци од столицата од некои од пациенти со Ковид и открија дека тие содржат преостанати честички од вирусот. Вирусни „остатоци“ го поттикнуваат имунолошкиот систем да ослободи протеини кои се борат против инфекции познати како интерферони.

Тие предизвикуваат воспаление што ја намалува способноста на телото да внесува триптофан, амино киселина која помага во генерирањето на серотонин во цревата. Покрај тоа, згрутчувањето на крвта може да се формира по инфекција со коронавирус , што може да попречи колку добро телото може да циркулира серотонин.

Нивото на серотонин под нормалата го уништува вагусниот нервен систем, кој испраќа сигнали помеѓу мозокот и телото. Серотонинот, исто така, игра улога во краткотрајната меморија, така што истражувачите претпоставија дека намалениот серотонин може да предизвика проблеми со меморијата што се доживуваат со долгиот Ковид.

Студијата беше објавена во понеделникот во списанието „Cell“.

Долгиот Ковид е дефиниран од Светската здравствена организација како развој на нови симптоми поврзани со вирусот три месеци по првичната инфекција со Ковид. Овие симптоми може да траат од месеци до години, а лекарите често се збунети околу тоа што ги предизвикува. Состојбата вклучува широк спектар на симптоми, како што се отежнато дишење, мозочна магла, замор и депресија.