„Јас сум крупен и силен ловец и поранешен фудбалер, а сега борам со рак на дојка во 4-та фаза – момци немојте да мислите дека тоа не може да ви се случи ако сте машко“

Маж од Флорида на кој му бил дијагностициран рак на дојка во стадиум 4 на 38-годишна возраст, признал дека нема поим дека мажите би можеле да ја развијат болеста.

Зак Јарброу, кој сега има 42 години, изјави дека првпат забележал грутка на градите во 2018 година, додека си играл во базен со своите две мали ќерки.

„Забележав јазол под левата брадавица“, изјави тој. „Беше чудно, но се обидов да не размислувам“

Јарброу, кој се натпреварува на риболовни натпревари низ целата земја, изјави дека грутката на крајот пораснала додека не била речиси со големина на топче за голф.

„Изгледав како да имам гради“

Тестовите откриле дека Јарброу имал рак на дојка толку напреднат, што заканата по живот се проширила на неговите лимфни јазли и на едното белодробно крило.

„Ми беше дијагностициран со стадиум 4, или метастатски, рак на дојка. Нема познат лек за тоа“.

Јарброу веднаш бил подложен на мастектомија.

„Мојата брадавица, ареолата, мускулите и лимфните јазли околу градите беа отстранети“, рече тој за процедурата, која му оставила лузни низ левата страна на градите.

По операцијата, Јарброу требало да помине 12 рунди хемотерапија и повеќе од 36 третмани со зрачење, како и низа клинички испитувања и експериментални третмани. Скоро половина деценија подоцна, Јарброу сè уште е на лекување – но тој не го изгубил својот борбен дух.

„Јас сум на режим на лекови и примам хемотерапија еднаш на секои три недели. Но, штотуку направив скенирање што ги покажа најдобрите резултати што сум ги имал во последните години. Ментално, решен сум да продолжам да го живеам животот. Едноставно има премногу живот за живеење“

Таткото не верува дека дијагнозата е смртна казна, велејќи дека „се надева“ дека лекот е на хоризонтот.

Јарброу изјави дека не знаел дека мажите можат да добијат рак и јавно се огласил со својата здравствена битка со цел да ја подигне свеста за болеста.

„Јас сум голем, крупен, со брада, рибар, ловец, поранешен фудбалер на колеџот All-ACC и пливам со сабјарка, најлошата риба во морето. Ако можам да добијам рак на дојка, тогаш секој маж може да го добие и не е важно колку сте тврд или крупен“.

Според Центрите за контрола и превенција на болести, мажите сочинуваат околу 1% од случаите на рак на дојка во САД.

Меѓутоа, имајќи предвид дека тие не се предмет на исти рутински прегледи како жените, поголема е веројатноста да бидат дијагностицирани подоцна, известува Националната медицинска библиотека.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!