„Дали воопшто го прогуглавте?“ – Двејн Џонсон не е среќен за неговата нова восочна фигура и еве што планира да направи

Француски музеј е мета на критики откако ја открија восочната фигура на актерот која беше силно критикувана од обожавателите, а некои дури ја нарекоа „синот на Вин Дизел“. Сега Џонсон објави дека нема само да ги остави работите.

Обожавателите беа шокирани и разочарани кога беше претставена восочната фигура на Двејн Џонсон од музејот Гревин, во Париз, која го прикажува „The Rock“ како човек со светла кожа и го прикажува во облека што не се совпаѓа со вообичаениот стил на актерот. .огумина открија дека личи на Мистер Клин (морнар кој е маскота на истоимената марка), па дури и самиот Џонсон сподели видео во кое се потсмева на восочната фигура на својот Инстаграм.

„Карпата ја претворија во камче! Изгледа дека „The Rock“ никогаш во животот не видел сонце ниту еден ден. Правите „The Rock“ да изгледа како да е Дејвид Бекам. Изгледа дека The Rock ќе биде дел од кралското семејство“, рече комичарот Џејмс Андре Џеферсон Џуниор во клипот. „Дали воопшто го прогуглавте?“

Поранешниот борач и ѕвезда на „Брзи и бесни“ напиша: „Знаев дека моето момче @jamesjeffersonj ќе ја исмее оваа восочна фигура“ додавајќи дека стомак го здоболело од смеењето на шегите на комичарот.

„За евиденција, ќе побарам од мојот тим да ги исконтактира нашите пријатели во музејот Гревин, во Париз, Франција, за да можеме да работиме на „ажурирање“ на мојата восочна фигура овде со некои важни детали и подобрувања – почнувајќи од мојата боја на кожа“, призна тој. „И следниот пат кога ќе бидам во Париз, ќе застанам и ќе пијам пијачка со себе“, се пошегува тој.

Од објавата на актерот, музејот ја препозна нивната грешка и вети дека ќе направи промени. „Двејн Џонсон е во право“, се изјаснија тие во изјавата. „Го забележавме тоа и очигледно ќе го поправиме што е можно побрзо и ќе му испратиме нови фотографии штом ќе бидат завршени. Го чекаме кога ќе дојде во Париз и во Музејот на восочни фигури Гревин за да го прославиме тоа со чаша шампањ“.