„Ја започнав мојата прва работа со работно време 9-5. Тоа е вистински ПЕКОЛ, немам време ниту за себе, ниту за пријателите“

Една тукушто дипломирана девојка на колеџ ја открила својата борба да се прилагоди на нејзиниот нов работен распоред од девет до пет, на нејзината прва соодветна работа. Бриел, која живее во Њу Џерси, сподели дека се борела да најде време да има социјален живот надвор од нејзиното одење на работа и долгите работни денови.

Во видеото кое собра повеќе од 1,5 милиони прегледи, девојката вели дека нема ниту време ниту енергија за готвење или туширање откако ќе пристигне дома.
Креаторот на содржината додаде: „Распоредот 9-5 генерално е едноставно лудост“.

Многу луѓе ги преплавија коментарите за поддршка на младата жена која работи во маркетинг, а неколкумина повикаа на четиридневна работна недела.
Бриел ја добила својата работа по пет месеци пребарување и испраќање „стотици“ апликации дневно. Младата жена објаснила дека нема друга опција освен да се пресели во Њу Џерси за нејзината работа со седиште во Њујорк, бидејќи не може да си ги дозволи високите цени на киријата во градот.

Жената со насолзени очи открива дека и требало многу време за да стигне до и од нејзиното работно место, признавајќи дека би било полесно доколку живее во непосредна близина.

Бриел продолжи: „Тргнувам од овде и се качувам во возот околу 7.30 часот и не се враќам дома најрано во 18.15 часот. Немам време да направам ништо“.

Во видеото, таа им кажува на своите следбеници на „TikTok“ од околу 118.800 луѓе, дека понекогаш не се враќа дома до 19.30 часот.

„Сакам да се истуширам, да вечерам и да спијам. Немам ниту време ниту енергија да си ја зготвам вечерата“, додава Бриел.

„Немам енергија да вежбам. Јас сум толку вознемирена. О Боже“.

Урамнотежувањето на работата и личниот живот би било полесно доколку таа работи од дома, вели очајната девојка.
Таа размислувала дека „може да биде полошо“, изјавувајќи: „Знам дека би можела да работам подолго, но буквално како да немам енергија“.

Стресната жена истакнала за себеси дека е „емотивна“ и „драматична“ затоа што се грижи за тоа како ќе одвои време за нејзиниот личен живот, како што се запознавање и одржување пријателства, надвор од нејзината прва работа. Но, многу гледачи се собраа во коментарите споделувајќи како и тие се борат да се справат со нивната рамнотежа помеѓу работата и животот.

Едно лице напиша: „Тоа е толку депресивно. Те чувствувам девојко“, додека друга изјави: „Пет дена работа и два слободни дена се чувствуваат како пекол, искрено“.

Други повикаа на пократка работна недела, при што еден човек сугерираше: „Треба да се спроведе четиридневната работна недела“.