Спремете се за нова доза паника и мислете со своја глава: Експертите велат дека на Земјата ѝ остануваат уште само пет години за да избегне климатска катастрофа

Интересно е што во ова време кога информациите се шират толку брзо многу често многу луѓе некако оркестрирано почнуваат да зборуваат за иста работа. И најчесто секогаш тоа е за некое лошо предвидување. Па и покрај сите информации што ќе ги прочитате, размислувајте и запрашајте се колку од информациите станаа режија, а колку вистина.

Екологистите велат дека на планетата ѝ остануваат уште само пет години за да избегне катастрофални климатски промени.

Шансата да се запре загревањето на Земјата за повеќе од 1,5 степени Целзиусови над прединдустриските нивоа може да се изгуби во рок од само пет години, според една нова студија.

„Јаглеродниот буџет“ е максималната количина на CO2 што можеме да го испуштиме што ќе ѝ овозможи на планетата да остане во температурната граница од 1,5 Целзиусови степени.

Целта за ограничување на глобалното затоплување на 1,5 степени над прединдустриското време, поставена во Парискиот договор од 2015 година, станува неизбежна до почетокот на 2029 година, велат научниците. Ова ќе се случи доколку глобалните емисии на стакленички гасови не се намалат.

Студијата, објавена во Nature Climate Change, тврди дека на планетата ѝ остануваат само 250 милијарди метрички тони јаглерод во нејзиниот резидуален јаглероден буџет за да ја исполни оваа цел. Оваа бројка е многу помала отколку што се мислеше претходно и значи дека наводно достигнуваме точка на пресврт.

Загадувачите на аеросол од чад кои претходно ја ладеа планетата сега се отстрануваат од атмосферата. Ова е позитивен чекор во борбата против загадувањето, но и го забрзува процесот на затоплување. Тоа значи дека климатските промени стануваат многу побрзи од очекуваното.

Д-р Робин Ламбол, од Центарот за еколошка политика на Империал колеџ во Лондон и главен автор на студијата, рече: „Нашето откритие го потврдува она што веќе го знаеме – не правиме ни приближно доволно за да го задржиме загревањето под 1,5 степени Целзиусови. Преостанатиот буџет сега е толку мал што малите промени во нашето разбирање за светот може да резултираат со големи пропорционални промени на буџетот. Недостигот на напредок во намалувањето на емисиите значи дека можеме да бидеме уште посигурни дека прозорецот за одржување на затоплувањето на безбедно ниво брзо се затвора. Секој дел од степенот на затоплување ќе го отежне животот на луѓето и екосистемите. Оваа студија е уште едно предупредување од научната заедница. Сега останува на владите да дејствуваат“.

Според извештајот на ОН, достигнувањето на затоплување од 1,5 степени Целзиусови ќе доведе до зголемување на екстремните временски услови, уништување на коралните гребени, топење на клучните ледени плочи и недостиг на вода. Сето ова ќе има сериозни последици по животот на планетата.

Научниците нагласуваат дека иако затоплувањето од 1,5 степени се чини неизбежно, емисиите на стакленички гасови мора итно да се намалат за да се избегнат покатастрофални последици. За 2 степени на затоплување, тоа остава 1.220 милијарди метрички тони стакленички гасови, што еколозите предвидуваат дека ќе се случи за 30 години.

Водачот на студијата Робин Ламбол предупредува дека иако точното време од 1,5 степени на затоплување може да варира, тоа ќе се случи во рок од неколку години.