„Ние сме три девојки во врска – почнавме како другарки, а потоа се заљубивме“

Кензи и Легаси се одлучиле да ја отворат врската со трет партнер. Не ни знаеле што ги очекува се додека не ја запознале Амбер на апликација за запознавање. Но, од кога ја започнале нивната тројка тие се соочуваат со многу омраза на интернет. Па во видеото кое има над 1,8 милион прегледи Кензи (23), Амбер (26) и Легаси (26) – со седиште во Рали, Северна Каролина – одговорија на критичарите кои им велат: „Не можете да сакате две личности одеднаш“.

Во посебен дел, девојките објаснија како настанала нивната тринасочна љубов.

Легаси и Кензи се запознале на Твитер, а потоа на апликацијата Бамбл со Амбер. „Едноставно се заљубивме во неа“ – напишаа тие.

На друго место, Легаси објасни: „Искрено баравме пријателка кога ја запознавме Амбер“, што ја поттикна Кензи да додаде: „Буквално се дружевме еднаш, а потоа никогаш не престанавме да се дружиме после тоа“.

Амбер се согласи, велејќи: „Тоа требаше да биде само пријателство …Но јас се поклопив со нив, се сретнавме и останатото е историја“.

Кензи објасни повеќе за нивната неконвенционална романса: „Поминувавме многу време заедно… Со текот на времето, сите ќе почнавме да развиваме чувства. Стануваше сè подлабоко и подлабоко. И еве сме“