Момчето кое на 2 години пушеше 40 цигари дневно се откажа од цигарите и сега е непрепознатливо

Детето кое пушеше десетици цигари дневно и стана популарно поради оваа лоша навика, сега е непрепознатливо откако се откажа од никотинот.

Арди Ризал од Суматра, Индонезија, имал само две години кога развил неконтролирана зависност откако татко му му ја дал првата цигара кога имал 18 месеци. Во 2010 година, се појавија шокантни слики од мало дете кое пуши и до 40 цигари дневно, лежерно пушејќи додека вози детска количка во својата градина. Овие слики го направија светски феномен.

Години подоцна, на деветгодишна возраст, тој лично раскажа како обидот да се откаже од пушењето довело до хаос во неговиот живот. Во обидите да се справи со зависноста, тој си ја удирал главата во ѕид, вели неговата мајка. Арди, кој ќе наполни 15 години, на крајот ги победил своите демони и се откажал од цигарите. Тој во 2017 година изјави дека има кисел вкус во устата и дека доживеал вртоглавици ако не пуши.

Момчето, кое беше прогласено и за најбуцкасто бебе на светот кога фотографиите станаа вирални, пиеше и три лименки полномасно кондензирано млеко дневно. Подоцна го променил својот нездрав начин на живот во исхрана со свежа риба, овошје и зеленчук. Но, за Индонезиецот пушењето било најтешкиот елемент во борбата против него. „Ми беше тешко да се откажам. Ако не пушам, имав кисел вкус во устата и ми се вртеше“, изјави тој тогаш за ТВ каналот.

Неговата мајка Дијана се загрижила за последиците од пушењето и побарала помош од владата. Дијана изјави дека во 2013 година нејзиниот син почнал да има напади на самоповредување. Таа рече: „Кога Арди првпат се откажа од цигарите, бараше многу играчки. Ќе почнеше да ја удира главата во ѕид. Полудуваше, се повредуваше ако не запали цигара. Затоа на прво место му купив цигари – поради неговиот темперамент и плачење. Сега не му давам цигари, но јаде многу. Со толку многу луѓе кои живеат во куќата, тешко е да се спречи да зема храна“.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!