Не верувај на „суштество“ што крвари 7 дена во месецот и пак останува живо: Кинезинка успеала да измами, не еден, туку ЧЕТИРИ мажи одеднаш со генијално разработена шема

Мажите што водат двоен живот, можат вода да ѝ носат на оваа Кинезинка.

Неодамна, луѓето во Кина беа сведоци на неверојатна приказна за измама. 35-годишната жена, по име Џоу, беше обвинета дека измамила четири мажи за огромни суми пари со одржување на лажни свадбени церемонии.

Џоу ја започнала својата долгогодишна шема за измама додека веќе била законски мажена и имала ќерка. На прв поглед, нејзиното семејство немало финансиски проблеми, бидејќи нејзиниот сопруг имал сопствен бизнис. Но, жедта за богатство и способноста да се манипулира со ситуацијата ѝ овозможила на Џоу вешто да маневрира меѓу четворица сопрузи низ годините.

Почнала да ја разработува својата измамничка шема, барајќи потенцијални сопрузи кои биле привлечени од нејзиниот атрактивен изглед. Таа успеала да излезе со нив во исто време без да предизвика сомнеж кај нејзиниот вистински сопруг. За да избегне откривање, Џоу им кажала на мажите дека нејзината куќа била незаконски урната и дека треба да остане немажена за да може да добие компензација. Ова ѝ овозможило да ги заобиколи граѓанските постапки и да продолжи со манипулациите.

Очигледно на ниту еден од „сопрузите“ ова не му било сомнително, особено затоа што таа била навистина добра во тоа да се преправа дека искрено сака да се омажи за нив и да инсистира дека свадбената церемонија е она што навистина е важно.

Всушност, таа се грижела само за свадбените церемонии бидејќи сакала да добива подароци и пари од присутните. Таа се погрижила свадбите да поминат без проблем, ангажирајќи актери да ја играат улогата на нејзините пријатели и членови на семејството за време на веселбите, а очигледно никој ништо не се посомневал.

Сепак, нејзината шема пропаднала кога еден од нејзините лажни сопрузи по име Џанг дознал дека Џоу наводно е бремена со близнаци и дека ѝ е потребна финансиска поддршка за породувањето. Чудните околности и неверојатните фотографии предизвикале сомнеж кај мажот, кој решил да ја провери позадината на Џоу. Тој дознал дека таа е веќе законски мажена и веднаш повикал полиција.

По темелна истрага, откриено е дека Џоу ги измамила своите лажни сопрузи за повеќе од 92.000 долари. Како резултат на тоа, измамничката се соочува со најмалку 10 години затвор за нејзините постапки.