Еве колку време треба да вежбате дневно за да ги елиминирате здравствените ризици од прекумерното седење

Неодамнешните истражувања ќе бидат интересни за оние кои ги поминуваат деновите на работа седејќи. Излегува дека постои одредена количина на физичка активност која може да се спротивстави на негативните ефекти од продолженото седење.

Според анализата на истражувачите од 2020 година, 30 до 40 минути „физичка активност со умерен до силен интензитет“ дневно може да надомести 10 часа седење. Студијата опфатила податоци од 44.370 луѓе од четири земји кои користеле фитнес тракери.

Изненадувачки, поврзаноста помеѓу времето на седење и ризикот од смрт не се разликува значително кај оние кои редовно се занимаваат со физичка активност. Истражувачите нагласуваат дека извршувањето на енергични активности, како што се возење велосипед или брзо одење, може да го намали ризикот од рана смрт на нивоа споредливи со оние кои поминуваат малку време седејќи.

Овие резултати би можеле да бидат клучот за борба против болести поврзани со седентарен начин на живот. Важно е да се запамети дека секоја активност, дури и само стоење, придонесува за целокупното здравје.