„Ја воспитувам ќерка ми да сака да биде традиционална сопруга наместо да се здобие со диплома – сосема е прифатливо да му служи и да зависи од мажот“

Јасмин Динис од Австралија е „традиционална сопруга“ која ја воспитува својата ќерка да го сака истото наместо да се здобие со универзитетско образование или сопствена кариера.

Многумина побрзаа да го критикуваат старомодниот стил на родителство на Јасмин и истакнаа дека иако нема ништо лошо во тоа да се биде мајка која останува дома, идејата за жена што „му служи“ на својот сопруг може да биде „антифеминистичка“.

„Ја учам ќерка ми дека е сосема прифатливо да зависиш од маж и дека служењето на нејзиниот сопруг и раѓањето деца ќе биде нејзината најголема радост“, напиша мајката.

„Во свет полн со жени кои ги учат своите деца дека нивната единствена цел е да одат на универзитет, да најдат добра работа и да заработат пари, јас го учам моето девојче да живее бавен живот, да биде библиска жена која сака сопруг и прекрасно семејство на кое може да му служи секојдневно. Таа радост доаѓа од Бог и семејството, а не од кариерата“, напишала таа видеото.

Гледачите брзо ја критикуваа Јасмин за „одлучување“ за иднината на нејзината ќерка.

„Се надевам дека ќе ја поддржите во други опции за кариера, ако таа изрази дека не го сака тоа што вие го сакате“

„Ах да. Што може да тргне наопаку овде???“

„Не знаеш која ќе биде нејзината најголема радост. Нека одлучи сама“

„Девојки – не зависете од никој друг освен од ВАС! Вие сте ваша карпа, сопствена основа, сопствена иднина“

Но, не сите беа навредени од чувствата на Јасмин.

„Ова е апсолутно убаво“, рече една жена.

„Ти си неверојатна мајка и живеењето на овој начин е исполнување на најдлабоко ниво“, се согласи втора.