Сите и психички нѐ погоди короната, ама некои…: 45-годишна жена тврди дека е во еротска врска со дабово дрво

Соња Семјонова се опишува себеси како „екосексуалец“. Таа вели дека се чувствувала осамено, но вели дека нејзината нова врска со дрвото ја пополнила празнината. Дури вели дека чувствата што ги доживува со дрвото се она што отсекогаш го барала кај една личност….

Можеби погрешно ја разбирале претходно, кога им викала на мажите „направи се дрво“ тие се враќале камен пијани.

„Чувството да се биде мал и поддржан од нешто толку цврсто. Чувството дека не можеш да паднеш. Имав потреба од тој наплив на еротска енергија што доаѓа кога ќе запознаете нов партнер“.

Соња се преселила во Ванкувер, Канада во зимата 2020 година и одела на дневни прошетки за време на карантинот. За време на нејзините прошетки, Соња шетала покрај голем даб во близина на нејзиниот дом и почнала да има „еротски“ искуства во летото 2021 година.

Соња рече: „Пет дена во неделата цела зима одев по патека покрај дрвото. Забележав поврзаност со дрвото. Би лажела ако кажам дека не е така“.

Соња забележува дека не се впушта во физички дејствија со дрвото и вели дека чувствата што ги добива од природата не се нужно исти како и човечката сексуалност.

„Голема заблуда е дека екосексуалноста значи секс меѓу луѓето и природата, тоа е поинаков начин да се истражува еротиката. Да го гледам менувањето на годишните времиња за мене е еротски чин. Постојат сличности меѓу сексот со луѓе и еротиката што екосексуалците ја чувствуваат со природата, но тие не се исти“.

Соња верува дека секој е екосексуалец и тврди дека ако го препознаеме тоа во себе, може да помогне во решавањето на климатските прашања.

„Веќе е присутна кај многу луѓе. Има причина зошто сакаме да одиме на излети во паркови и пешачење во природа. Она што не успеваме да го забележиме е дека причината поради која го сакаме ова е да ја искористиме животната сила што доаѓа од овие работи, а тоа е еротиката“.