Златото бара жртва: Маж почина откако падна во дупка од 40 метри што ја ископал под својата куќа, откако „дух“ во сон му кажал дека таму е закопано злато

71-годишниот бразилски жител Жоао Пимента да Силва сонувал дека има скриено злато под неговата кујна. Не можел да издржи и почнал да копа дупка точно на подот од неговата куќа, понесен од идејата дека ќе пронајде злато.

Соседот на човекот, Арналдо да Силва, изјави за локалните медиуми како Жоао го започнал својот чуден потфат плаќајќи за помош во ископувањата. Тој дури размислувал да користи динамит. По 12 месеци напорна работа, неговата дупка достигнала длабочина од 40 метри.

„Жоао помина повеќе од една година копајќи ја дупката и ангажираше многу луѓе да ја вршат работата на ископувањето. Тој започна со плаќање 12 евра на ден кога дупката беше сè уште плитка, но колку подлабоко одеше, толку повеќе се зголемуваа трошоците“. – изјави Арналдо.

Тој на крајот платил околу 100 евра на секој што влегол во дупката и помогнал. Но, наишол на голем камен кој било тешко да се отстрани и имало гласини дека тој зборувал дека се обидува да најде динамит.

Соседот исто така сподели дека Жоао тврдел дека „дух“ во сон му рекол дека има злато под карпата под подот во неговата кујна и тој се обидел да го предупреди за опасностите од неговата мисија, но бил игнориран.

Трагедијата што доведе до смрт на копачот на злато се случи на 5 јануари.

Пожарникарите потврдија дека добиле повик околу 13:30 тој ден во куќа во населба наречена Бетанија, откако сопственикот претрпел пад од околу 40 метри, но не можеле да сторат ништо за да му го спасат животот. Локалните извештаи велат дека се верува дека жртвата се лизнала и паднала од дрвена платформа во близина на врвот на дупката додека се обидувал да излезе од неа по работата за отстранување на водата и калта.

Неговото тело било извадено од итната помош. Утврдено е дека се здобил со повреди на главата и скршеници на нозете како и други скршеници.

Бразилските медиуми објавија фотографија од дупката. Луис Филипе де Миранда од локалната пожарна ја забележал професионалноста со која била ископана дупката во рудникот, но на крајот не била пронајдена ни трага од злато.

„Ова изгледа како нешто вонземско поради совршенството со кое го ископал: многу мал дијаметар, многу совршен цилиндар, длабок 40 метри“. – рече тој.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!