Техно-религија: Луѓето наскоро ќе се поклонуваат на вештачката интелигенција, сметаат научниците

Професорот по дизајн и иновации, Ларс Холмквист од Универзитетот Нотингем Трент верува дека луѓето сè повеќе ги толкуваат нивните интеракции со компјутерите како вистински социјални односи. Психолошките истражувања потврдуваат дека четботите како ChatGPT ги привлекуваат луѓето во вештачки социјални врски.
Експертите предупредуваат дека феноменот може да ги наведе луѓето да ја напуштат традиционалната религија во корист на верувањата засновани на технологија.

„Резултатите од генеративната вештачка интелигенција се многу отворени за толкување, така што луѓето можат да најдат што било во нив“, вели Холмквист. „Многу е можно вештачката интелигенција да стане извор на повисоко значење за луѓето, како религиозните текстови“.

Веќе денес гледаме примери за овој тренд. Свештениците роботи, како што е роботот Миндар во Кјото, Јапонија, држат проповеди во храмовите. Во 2015 година, технологот Ентони Левандовски го основаше „Патот на иднината“ со цел да создаде супер бот со вештачка интелигенција. Трансхуманистите предвидуваат иднина во која вештачката интелигенција може да ги воскресне луѓето како суштества слични на богови.

Сепак, има и скептици, како софтверскиот инженер на „Google“, Блејк Лемоин, кој остана без работа по тврдењата дека четботот на Google LaMDA бил самосвесен. Некои веруваат дека големите јазични модели како ChatGPT стануваат свесни или ќе станат во иднина.

Холмквист нагласува дека досега улогата на вештачката интелигенција во голема мера беше ограничена на помагање на верските организации и цркви, исто како што комерцијалните компании користат вештачка интелигенција за да комуницираат со клиентите.

„Не сум слушнал за обожување на софтверски објекти, но не би бил изненаден ако тоа се случи во иднина! – додаде Холмквист.