Еве колку шолји чај дневно може да биде тајната за анти-стареење

Истражувачите на Универзитетот Сечуан во Ченгду, Кина анкетирале 5.998 Британци на возраст од 37 до 73 години, како и 7.931 луѓе во Кина на возраст меѓу 30 и 79 години во врска со нивните навики за пиење чај.

Тие прашаа дали испитаниците пијат црн, зелен, жолт или традиционален кинески улонг чај, како и колку шолји од него пијат дневно.

Тие, исто така, ја пресметале биолошката возраст на секој учесник со составување на процентот на маснотии во телото, холестеролот и крвниот притисок. И заклучиле дека приењето три шолји чај дневно може да ви го продолжи животот.

Сепак, студијата била само „набљудувачка“, па истражувачите не можеа да докажат дали пиењето чај го забавува биолошкото стареење.

Сепак, постојаното пиење чај покажа знаци на побавно стареење. Повеќето од тие луѓе биле мажи, исто така јаделе поздрава исхрана, консумирале алкохол и имале помала веројатност да доживеат анксиозност и несоница.

„Односот изложеност-одговор сугерираше дека консумирањето околу три шолји чај или шест до осум грама ливчиња чај дневно може да ги понуди најочигледните придобивки против стареењето. Умерената консумација на чај ги покажа најсилните придобивки против стареењето меѓу постојаните пијачи на чај“, заклучија тие.

Се чини дека учесниците кои престанале да пијат чај покажале забрзување на стареењето, според студијата.

Истражувачите веруваат дека полифенолите, биоактивна супстанца во чајот „ги модулираат цревните бактерии“, кои играат улога во регулирањето на имунолошкиот систем, метаболизмот и когнитивната функција.

Тие, исто така, забележаа дека флавоноидите – „еден вид полифенол кој го има во чајот“ – може да го продолжи животниот век кај црвите, болвите и глувците.

„Се акумулираат студии дека консумирањето чај може да заштити од болести поврзани со стареењето, како што се кардиоваскуларни болести, дијабетес мелитус, деменција и некои видови на рак, и дека конзумирањето чај е поврзано со помал ризик од смртност“, велат тие.

Научниците не проучувале дали еден специфичен тип на чај е подобар против стареење од друг, иако не откриле „суштински разлики“ помеѓу оние кои пијат чај во Кина наспроти Обединетото Кралство.

Температурата на чајот, исто така, не направила никаква разлика, и тие забележале дека не ги прашувале луѓето за големината на шолјите чај што ги консумирале.