„Порано бев дебел гејмер од 140 килограми, а сега сум мускулест модел, истетовиран по целото тело. Еве како успеав да се трансформирам!“

Еден човек откри како од дебел гејмер станал супер згоден модел.

Кевин Крикман од Лос Анџелес, САД, откри како видеоигрите ја предизвикале неговата дебелина. Тој, кој сега е социјален работник и модел, се трансформирал себеси откако изгубил половина од неговата телесна тежина.

Како дете, Кевин (34) се соочил со немилосрдната борба да се бори со својата тежина. На вагата стигнал до 120 килограми, поминувајќи го поголемиот дел од своето време играјќи видео игри.
„Уште кога бев дете, се борев со прекумерната тежина“, сподели Кевин. „На 10 години веќе имав стрии. До моментот кога наполнив 18, мојата тежина се зголеми на над 140 килограми.
„Насилниците беа постојано присустви во мојот живот, а мојата социјална слобода беше прилично ограничена на „World of Warcraft“ и компјутерски игри. Сум пробал секакви диети претходно, но се чинеше дека ништо не функционираше“.
За време на неговите тинејџерски години, Кевин нашол извор на мотивација во пријател кој ја споделил неговата желба да намали некој килограм. Тие станале поддржувачи едни на други, инспирирајќи се да продолжат.
Постепено, благодарение на диетата со малку јаглехидрати и без шеќер, внесот на калории од 1.500 дневно и редовното кардио, Кевин почнал да забележува промени.

„Намалив 40 килограми за само една година, и одеднаш бев во сосема поинакво тело. Се чувствував како да ми беше дадена втора шанса за живот“, раскажува Кевин. „Оваа трансформација поттикна нешто ново во мене – решеност да работам напорно за се што сакав да постигнам бидејќи почнав да верувам дека се е можно“.
Но, иако ја изгубил тежината, Кевин сепак морал да се бори со стриите и вишокот кожа. Тој бил подложен на две операции за да се справи со тоа, но тие операции му оставија не само физички лузни, туку и нови несигурности.

„Вежбав во теретана и имав изградено мускули, но не се чувствував самоуверен поради тие лузни што ми ги имаше низ цело тело“, рече тој. „Се чувствував како Франкенштајн. Сè што сакав беше да ја соблечам кошулата без да морам на сите да им го објаснувам моето слабеење. Сакав да бидам удобен во сопствената кожа без да се грижам што луѓето би можеле да видат или мислат за моето минато”.

Кевин, познат и како „The Creekman“ на „Инстаграм“, реши да ги претвори своите лузни во впечатлива визуелна нарација која ја раскажува приказната за неговиот живот, битки и триумфи. Тој инвестираше во тетоважи во вредност од 29.495 долари.
„Една од најголемите тетоважи што сум ги направил беше дизајнот на черепот на мојот стомак за да ја покрие мојата лузна“, рече тој. „Сè на сè, поминав повеќе од 250 часа под игла. Тетоважите ми помогнаа да ги покријам лузните и да го најдам патот назад во животот. Тоа беше како само-терапија“.

Денес, Кевин гордо носи нови тетоважи кои го опфаќаат целото негово тело, а секоја е ремек дело создадено од различни талентирани уметници. Некои имаат лично значење, додека други се чисто украсни.