Најзагрижената мајка на свет: Богатата домаќинка од Дубаи се жали дека била дебела затоа што е трудна и едвај чека да се породи за да пие АПЧИЊА за слабеење

Идна мајка тврди дека ќе почне да користи „Оземпик“ за да се ослободи од тежината што ја качува при бременоста, откако се здебелила 18 килограми во последните неколку месеци.

Линда Андраде, американска домаќинка мажена за милионер во Дубаи, ја сподели оваа вест на нејзиниот „Тикток“ оваа недела. Таа, исто така, тврди дека „не се грижи“ за потенцијалните несакани ефекти врз нејзиното дете ако одлучи да дои.

Линда, позната и како „Оригиналната домаќинка од Дубаи“, во клипот призна дека неодамна се чувствувала очајно поради својата тежина.  Инфлуенсерката, која е во деветтиот месец од бременоста, рече: „Никој не ме предупреди за ова. Многу сум дебела“.

Потоа доаѓа шокантното откритие – Линда планира да користи „Ozempic“ откако ќе ја роди својата ќерка, нешто за што вели дека луѓето ја „осудуваат“. „Ozempic“ е лек на рецепт кој моментално се користи за лекување на луѓе кои имаат дијабетес тип два.

Кога луѓето ја предупредуваат за потенцијалните опасности од земањето на лекот за време на доењето, таа одговара: „Штотуку качив 20 килограми, тоа е многу поголем проблем“.
Секако, луѓето имаа многу што да кажат за нејзините искрени коментари, како една личност, која напиша: „Повеќе се грижи за вагата отколку за своето бебе“.

Во меѓувреме, нејзините фанови се погрижија да и дадат до знаење дека е убава таква каква што е, во сета нејзина трудничка слава.
„Не е познато дали „Ozempic“ преминува во мајчиното млеко“, велат научници, коишто сепак препорачуваат да не се користи во тој период од животот.