„Изгубив сѐ после разводот, па сега живеам на улиците низ државата во воено комбе. Погледнете како изгледа мојот живот сега“

Кога бракот на Пол Џекмен се распаднал пред шест години, шансите да добие хипотека биле речиси невозможни. Така, 51-годишниот работник во фабрика од Линколншир решил да го отфрли традиционалниот начин на живот со тули и малтер и да живее во караван. Тој сега живее во „Мили“ – воен камион од 6.000 долари, во кој морал да инвестира дополнителни 50.000 долари за да се претвори во „модерен дом“.

Ја донел храбрата одлука откако ги видел неговите постојано зголемени сметки за енергија и не сакал да го троши остатокот е неговиот живот во хипотекарни долгови. Таткото на две деца вели дека неговиот номадски начин на живот значи дека заштедува половина од својата плата наместо да ја троши сета на сметки и паркира бесплатно. Пол не е сам – тој е дел од една заедница, 80.000 до 120.000 луѓе во Велика Британија кои себеси се нарекуваат „живеачи во комбе“.

„Во суштина, моето возило е исто како мојата куќа, имам машина за перење, тостер, индукциски и плински рингли, централно греење, телевизори, Wi-Fi, фрижидер замрзнувач и голем кревет“, вели Пол. Дополнителен бонус е тоа што готвењето навечер го загрева неговиот автомобил, што значи дека може да ги намали трошоците за греење. Меѓу најголемите трошоци на Пол е горивото; тој плаќа околу 400 долари за да го наполни својот резервоар од 200 литри.

„Ние правиме работи како што се потрага и спасување, помош при исчезнати луѓе, а кога има невреме ги чистиме дрвјата од патиштата и помагаме при поплави“.