Што е тоа серум од полжав? И зошто лигавата состојка за нега на кожата заработува одлични критики на „TikTok“?

„TikTokers“ беснеат по лигата од полжав – или лигавиот секрет од полжави, чие својство го прави вашето лице хидрирано, блескаво и без брчки.

Секретот од полжав се здоби со популарност во негата на кожата поради неговиот состав на протеогликани, гликозаминогликани и хијалуронска киселина – сите тие се корисни за кожата, според д-р Јорам Харт, сертифициран дерматолог и медицински директор на „MDacne“.

Навистина, видеата за секретот на полжавот создадоа 1,3 милијарди колективни прегледи на „TikTok“. Конкретно еден производ, „COSRX Advanced Snail 96 Mucin Power Essence“ серумот.

„COSRX“, корејски бренд за убавина, ветува „интензивна хидратација“ со серумот, благодарение на 96,3% филтратот за секреција на полжав и натриум хијалуронат, форма на хијалуронска киселина.

Производот од 25 долари е наменет да се нанесува на вашето лице со врвовите на прстите по чистење и тонирање на лицето.

Иако „TikTok“ помогна да се популаризира, искористувањето на лигавата течност од полжавите не е нешто ново – една студија забележа дека слузта се користела во античка Грција за да се намали воспалението и ефектите од стареењето.

Една мала студија покажа дека луѓето кои применуваат производ од полжав секој ден во текот на осум недели забележале подобрување во нивните брчки и текстура на лицето во споредба со луѓето коишто не користеле.

Една понова студија, во која учествуваа жени на возраст од 45 до 65 години, утврди дека секојдневната употреба на производ од полжав довело до значителни подобрувања во цврстината и еластичноста на кожата на пациентите и нивните брчки.
Но, серумот можеби не е за секого – особено ако некој има алергија на полжави, што е ретко.

Некои корисници пријавиле појава на акни, при што еден медицински естетичар предупредува дека серумите може да ја иритираат кожата склона кон флеки.