На Алјаска е толку студено што ниските температури од -40 °C предизвикаа мазутот да се згусне и домовите останаа без греење

Голем дел од Алјаска е замрзнат, со температури далеку под нулата. Додека градот Енкориџ доживеа некои од најниските температури во изминатите години, градоначалникот отвори центри за затоплување за бездомниците и луѓето без сигурна топлина.

На југ, во главниот град на државата Џуно, снегот ги прекри улиците и покривите во дводневната бура што помогна да се постави нов јануарски рекорд на снежни врнежи од 2 метри за градот, кој се наоѓа во релативно умерена дождовна шума. Ова е откако циклоните го погодија Џуно претходно овој месец.

Енкориџ доби повеќе од 2,5 метри снег оваа недела.

Температурите беа далеку под нулата низ поголемиот дел од Алјаска во четвртокот. Во Фербенкс, град со околу 32.000 жители кој е популарно место за гледање на северната светлина температурите беа -40°C. Во други градови достигнуваат и до -34,4°C или -28,9°C.

Енкориџ, каде што температурите достигнаа -27,2°C среда, ги имаше најниските температури во последните 15 години, рече Брајан Бретшнајдер, климатски научник од локалната метеоролошка служба.

Во малиот град Коцебу, 885 километри по воздушен пат на северозапад, температурите од минус -34°C или поладни предизвикаа горивото за греење толку многу да се згусне што системите за греење домови и печки престанаа да работат. Градскиот менаџер Теса Болдвин изјави за весникот дека водоводите замрзнале низ градот.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!