Нигериски измамник ги открива триковите со кои завел до 50 жени и ги измамил за 65.000 евра. Дури имаат и книга од која учат, а советите во неа се навистина нешто

Брановидни бицепси, кратка руса коса и воена униформа беше маската на Кристофер Максвел.

За време на пет години како измамник, Кристофер, кој сега има 24 години, позирал како американски војник на социјалните мрежи и страниците за запознавање во потрага по својата следна жртва, и успешно измамил до 50 жени за да испратат вкупно 64.500 евра.

Тој ги открива измамничките и сурови трикови што ги користел за да ги заведува жените низ англиското говорно подрачје од Велика Британија до САД, Канада и Австралија.

Кристофер, кој користи псевдоним и сега работи како консултант во групата за разбивање измами Social Catfish, почнал со измами во 2016 година како начин за лесна заработка за време на неговата втора година на универзитет во Нигерија.

„Немав пари и моето семејство беше навистина сиромашно, па морав да направам нешто. Избрав да почнам со измама. Знам дека луѓето можеби нема да разберат, но јас сум професионалец и тоа беше моја работа со полно работно време. Беа потребни месеци за да се дојде до тоа ниво, како обука на работа. Во тоа време измамував секој ден од мојот живот“.

Кристофер вели дека користел библија од 40 страници за измамници во Нигерија со наслов „Како да направите бела жена да се заљуби во вас од онлајн разговор“.

Книгата нуди чекор-по-чекор водич за романтични измамници со скрипти од романтични фрази, почетни разговори и прашања кои ветуваат дека ќе ги натераат ранливите луѓе да се заљубат во вас.

Се вели дека типовите на жени кои се „полесни за добивање“ и кои „ќе се заљубат во вас побрзо без многу стрес“ се оние на возраст над 40 години.

„Тие функционираат затоа ги имаат парите што ви требаат. Исто така, како сингл на 40 години, тие се желни за љубов“. – вели Кристофер.

Откако ќе се идентификува целта, книгата им наложува на измамниците да го направат своето истражување пред да разговараат со нивниот „клиент“.

„Ќе сакате да дознаете сè што можете пред да разговарате со неа, бидејќи тоа ќе помогне подоцна. Проверете ја нејзината биографија на социјалните мрежи. Кое е нејзиното хоби, нејзините миленици, работата, страста, ако има деца, каде живее, што сака итн“.

За воведната порака, се препорачува да им се даде комплимент на жените за нивните активности или во што уживаат и да се постави прашање во врска со тоа.

Во книгата пишува: „Сакате да бидете нежни и поинакви од другите. Не праќај само „здраво…“ Има многу луѓе кои ѝ праќале „здраво“ претходно. Сакате да испратите нешто што ќе ја натера да ѝ се допаднете уште од првата порака. Нешто што ќе ја натера да ја отвори вашата порака и нејзиното срце за вас“.

На пример, ако на нејзиниот Фејсбук профил има слики од нејзините кучиња, можете да ѝ пишете нешто како: „Здраво, само што ги поминав последните 10 минути дебатирајќи дали тие слатки кучиња покрај вас се планински овчари или белгиски Малиноа. Те молам помогни ми…тие се супер слатки инаку.“

Друг предлог е: „Секогаш ја имаш најдобрата музика во твоите видеа. Би сакал да ми ја откриеш плејлистата“

Штом разговорот ќе тече, книгата вели „направи се за неа“. Се вели: „Ојинбо жените [нигериски термин за западните жени] сакаат да зборуваат за себе. Така ќе мислат дека се грижиш и ќе се заљубат“.

Следно, ги упатува криминалците да им даваат комплименти на жените користејќи една од 60-те предложени фрази, како што се: „Не можам да верувам дека најдов некој како тебе“ и „Твојот ум е исто толку секси како што си ти“.

Жените се поподложни на пораки во текот на ноќта, се тврди: „Запознајте ја нејзината временска зона и праќајте ѝ пораки околу 22 часот. Ноќта е кога можете лесно да ја натерате да ве засака. Ќе го имате целосно нејзиното внимание, а ако муабетот оди добро, таа ќе спие мислејќи на вас“.

На измамниците им е кажано да почекаат со барањето пари за прво да изградат доверба. „Поминувајте денови зборувајќи за случајни работи. Тоа може да одземе многу време, но тоа е сигурниот пат“.

Кога станува збор за барање пари, книгата дава упатство „Прашај без да изгледаш како да бараш“, на пример: „Кога таа ќе праша за твојот ден, можеш да ѝ кажеш дека бил лош, потоа да ѝ кажеш дека си кнап финансиски, дека имаш проблем со хипотеката и ќе те избркаат следната недела. Сама ќе се понуди да ти даде пари. Ако сакате нов телефон, можете да ѝ кажете дека телефонот ви е лош и повеќе нема да можете да разговарате со неа“.

Овие трикови се широко користени од измамници, вклучувајќи го и самиот Кристофер. Но, дали се чувствувал виновен што измамил осамени жени?

„Не, се чувствував лошо на почетокот, но во одреден момент престанав“, вели тој. „Заработував добри пари. Никогаш не сочувствував за овие луѓе и не дозволив да навлезе никаква емоција“.

Кристофер вели дека бил уапсен во Нигерија, но никогаш не бил обвинет за неговите романтични измами.

Тој додава дека ги користел платформите на социјалните медиуми Фејсбук и Инстаграм за да контактира со жени, како и веб-страниците за запознавање. Тој првенствено ги таргетирал жените во нивните 50-ти и 60-ти години кои се чинело дека се неодамна разведени или вдовици.

„Можам да го искористам тоа. Апликациите за запознавање го олеснуваат тоа затоа што можете да го поставите вашиот интерес за вашиот профил на одредена возраст и тоа носи луѓе од таа возрасна група“, вели тој.

На неговиот профил имало слики од маж што го нашол на интернет, кој бил во армијата, а на жените им рекол дека е Американец и дека бил на мисии во Авганистан, Израел или Кореја.

Кристофер вели дека немал еден начин за почнување разговор, туку кажувал тоа што ми паднало на ум кога го гледал профилот на таа жена за да ја персонализира пораката. Во секое време, тој би бил во една или две врски, зборувајќи со жени деноноќно .

Ќе чекал додека не ја добие нивната доверба пред да побара пари. Тој вели: „Од жртвата ќе зависи колку долго чекам да побарам пари. Добивам пари за три дена, но понекогаш ми требаат месеци. Би се погрижил да испраќам пораки секој ден. Едно време ја запознав оваа жена која имаше момче, но таа раскина со него поради мене и ми даде 400 долари за неколку дена. Реков дека се грижам за неа и ќе направам се за неа. Таа имаше 35 години и беше бела, работеше во комуникациска компанија. Разговаравме четири месеци“, вели тој.

24-годишникот вели дека имал низа лажни изговори да бара пари, меѓу кои и велејќи дека му требаат пари за да купи авионски карти и да го помине остатокот од животот со жената или да ја замени својата униформа: „Почнав со мали суми и секогаш велев дека ќе вратам сè“.

Неговиот најголем неочекуван приход дошол од 61-годишна Американка, вели тој, која му испратила вкупно 30.000 долари за време на нивната едногодишна врска. Сепак, таа користела Social Catfish, компанија која ги проверува идентитетите на интернет користејќи обратно пребарување на слики и беше во можност да го следи Кристофер.

Кога се соочил со жената чиј живот го уништил, тој вели дека се чувствувал ужасно и дека е среќен што повеќе не мора да измами за да заработи за живот.

Националната агенција за криминал вели дека повеќето романтични измами потекнуваат од измамници во Западна Африка – особено Нигерија и Гана.

„Има многу сиромаштија, така што многу луѓе почнуваат со измама првично за да преживеат“.

Кристофер открива дека најголемиот знак дека зборувате со измамник е ако тој нема да го покаже своето лице преку видео повик.

„Избегнувајте ги сите што велат дека не можат да се сретнат затоа што се во војска или живеат во странство“, вели тој.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!