Канадско семејство се пресели во Русија само за да избега од ЛГБТК+ пропагандата: „Русија е најдобра. Русија има сила да се спротивстави на западните притисоци“

Фармерот Аренд Феенстра и неговата сопруга Анееса донеле одлука да го преселат своето 10члено семејство од Канада во Русија бидејќи сметале дека Канада не е истата земја како порано.

„Не се чувствувавме безбедни со нашите деца таму и за иднината. Има многу левичарска идеологија, ЛГБТК, транс, само многу работи со кои не се согласуваме кои сега се учат таму. Сакавме да се извлечеме од тоа за нашите деца. Но, и од економски причини, земјоделството има подобри можности. Чувствувавме дека Русија е најдобра. Русија има сила да се спротивстави на западните притисоци“.

Одлуката на семејството да побегне во Русија доаѓа две години откако нацијата усвои еден од најсилните анти-ЛГБТ закони досега, со што практично се забранува секое јавно покажување на поддршка за геј луѓето.

Бидејќи одлуката на семејството Феенстра да се пресели во Русија го привлече медиумското внимание, Аренд рече дека бил свесен дека се пишува за нив, но ги предупреди луѓето дека „западните медиуми во најголем дел се многу пристрасни, веројатно корумпирани“.

„Многу лаги, многу глупости се шират низ Запад за нас. Сосема сме среќни овде, не планираме да заминеме од тука, не сме заглавени овде, не сме заложници“.

Арен ги повика другите да го следат неговото преселување во поранешната советска држава, тврдејќи дека официјалните лица „го олеснуваат“ преселувањето на Американците во Русија.

„Особено големите семејства, христијанските земјоделски семејства, конзервативните луѓе и тие ги сакаат тука… има тони земја и можности овде“, додаде тој.