Ресторан дава попуст на сметката ако детето ви е добро воспитано – проблеми за угостителските објекти или фантастична идеја?

Луѓето имаат поделено мислење околу ресторан кој нуди попуст за „добро воспитани деца“.

Посетителите на еден њујоршки ресторан добиваат 6 долари попуст од вкупната сума на сметката доколку децата им се однесуваат добро во ресторанот.

На многумина им се допадна идејата велејќи дека стануваат сè пофрустрирани од децата во рестораните, додека друг рече дека тоа „ќе го поттикне доброто родителство“.
Сепак, некои родители го критикуваа попустот, други рекоа дека тоа би било стресно за работниците во угостителството.

„Апсолутно би дал огромен попуст на добро воспитаните деца на мојата работа… Јас работам во продавница за играчки“, рече еден човек.
„Тоа навистина значи „добро воспитани родители“. Некогаш ги вадев моите деца од ресторанот и им дозволував на остатокот од семејството и клиентите да јадат мирно секогаш кога некое од моите деца ќе збеснеше. Повеќето родители го правеа тоа во тоа време. Не гледам дека тоа се случува многу често во денешно време“, рече една повозрасна мајка.

Други тврдеа дека тоа може да предизвика главоболка за работниците во угостителството.
„Сега сакам да видам некоја госпоѓа која бара попуст затоа што мисли дека нејзините детишта се добро воспитани“, рече еден корисник.
Некои родители беа против идејата и остро го критикуваа попустот затоа што „не дозволуваат децата да бидат деца“.

„Како некој што го има она што луѓето продолжуваат да го нарекуваат „добро воспитано“ бебе, мислам дека ова е навистина глупаво. Децата се луѓе, тие се човечки суштества и нема сите да бидат „добро воспитани“ цело време и тоа е животот“, се надоврза на дебатата една мајка.