Австралиски лекар го победи ракот на мозокот благодарение на сопствената техника што ја проучувал сам

Пред една година, на австралискиот лекар и истражувач Ричард Сколиер му бил дијагностициран глиобластом. Ова е агресивен облик на рак на мозокот од кој повеќето пациенти не преживуваат ни една година. Но, денес тој слави победа: најновата магнетна резонанца не покажала повторување на туморот.
Сколиер, 57-годишен професор специјализиран за третман на меланом, стана првиот пациент кој добил експериментална терапија врз основа на неговото сопствено истражување.

Во текот на изминатата деценија, Институтот за меланом во Австралија, каде работи Сколиер, постигна значителен напредок во лекувањето на напредните фази на болеста. Процентот на пациенти практично излекувани од меланом се зголеми од помалку од 10% на 50%, најмногу благодарение на техниката на имунотерапија што тој ја разви.

Во случајот на Сколиер, имунотерапијата, која има за цел да ги нападне клетките на ракот со имунолошкиот систем на телото, беше зајакната со комбинација на лекови и дадена пред операцијата за отстранување на туморот. Покрај тоа, професорот доби персонализирана вакцина врз основа на уникатните карактеристики на неговиот тумор.

Третманот дошол со сериозни несакани ефекти, како што се напади, проблеми со црниот дроб и пневмонија, но Сколиер успеал да ги надмине.