„Направив долг од 3000 долари поради купување онлајн во сон – оваа ретка состојба ме збуни и мене и лекарите“

Кели Кнајпс (42) од Есекс почнала да забележува дека редовно месечари по раѓањето на нејзиното прво дете Хенри во 2006 година. Но, месечарењето набрзо прераснало во шопинг за време на спиење – навика поради која таа несвесно трошела 3.000 долари додека спие. Скапите набавки на Кели вклучуваат пластичен кошаркарски терен и слатки Харибо во вредност од стотици долари.

Кели вели дека направила долг од „најмалку“ 3 илјади долари – иако за среќа сега го исплатила тоа. Таа објасни: „Не можев да рефундирам ниту една купена храна, како што е „Харибосот“. Во март, Кели добила спам порака во која некој се претставува како владата, нудејќи финансиска помош за нејзините сметки.

Додека спиела, таа на измамниците им ги дала своите финансиски информации и оттогаш била мета на проблеми.
„Им ги дадов сите мои податоци, а потоа кога се разбудив, ми извадија 250 долари од банкарската сметка“.

Таа рече: „Морав да ги откажам моите картички неколку пати. Никогаш не би морала да ставам детали за кредитната картичка кога купував работи преку Интернет, бидејќи сето тоа беше зачувано на мојот телефон. Секаде собирав долгови. Неколку пати морав да откажам картички и имав многу луѓе кои се обидуваа да ми извадат пари од банката. Тоа можеше да предизвика анксиозност. Навистина е вознемирувачки и фрустрирачки да си легнеш со размислување: не знам до што ќе доведе ноќта“.

Во 2018 година, беше откриено дека Кели страда од состојба наречена парасомнија. Парасомнијата е нарушување поврзано со спиењето кое може да вклучи абнормални движења, дејства и зборување што се случуваат додека спиете. Кели мисли дека нарушувањето било предизвикано од нејзината апнеја при спиење – каде што престанува да дише во сон. Апнејата при спиење го принудува нејзиниот мозок делумно да се разбуди и ја тера да прави работи додека сè уште спие – како на пример да прелистува онлајн продавници.

Но, нарушувањето беше повеќе од обична навика за купување преку Интернет. Кели еднаш се предозирала со лекови за дијабетес кога била бремена поради ова нарушување, во 2015 година, бидејќи сонувала дека зборува со лекарите.

Нејзиниот матичен лекар мислел дека тоа е предизвикано од стресот од трите деца со посебни потреби – Хенри (18), кој има епилепсија, Џои (9) кој е глув и исто така има епилепсија и Карсон (8) кој има потешкотии во учењето. Но, на крајот, друг лекар во 2018 година открил дека се работи за опструктивна ноќна апнеја – што ќе предизвика нејзиниот мозок делумно да се разбуди.

Нејзините околности биле значително подобрени со носење на уред за континуиран позитивен притисок во дишните патишта (CPAP) за да ги одржува дишните патишта отворени ноќе.