Тачдаун! Кина „напиша“ историја и донесе примероци од темната страна на Месечината со лунарната сонда „Chang’e-6“

Три недели откако се симна од далечната страна на Месечината, кинеското вселенско летало „Chang’e-6“ фрли капсула со првите примероци од темниот дел на Месечината.
Капсулата лебдеше на земја на крајот со падобран, а спуштањето беше следено на телевизија во живо.

„Chang’e-6“, кој беше лансиран на почетокот на мај, е првата роботска мисија што слета и повторно се врати од далечната страна на Месечината – страната што секогаш е свртена подалеку од Земјата.

„Мисијата за истражување на Месечината „Chang’e-6“ постигна целосен успех“, рече Џанг Кеџијан, директор на кинеската Национална вселенска администрација, од контролата на мисијата. Кинескиот претседател Си Џинпинг упати честитки до тимот на мисијата, објави државната новинска служба Ксинхуа.

„Chang’e-6“ следеше план за летање сличен на оној што се користеше за „Chang’e-5“, мисија која донесе примероци од страната на Месечината свртена кон Земјата во 2020 година. Откако влезе во орбитата на Месечината, вселенското летало испрати лендер до Регионот на Јужниот Пол на Месечината-Сливот на Аиткен. Лендерот користел дупчалка и роботска рака за собирање и складирање примероци. Исто така, собрал податоци за околината со детектор за радон, детектор со негативни јони и мини-ровер. Податоците и телеметријата беа пренесени помеѓу „Chang’e-6“ и Земјата преку кинескиот сателит „Queqiao-2“.

Капсулата за повторно влегување беше ослободена додека леталото забрза околу 5.000 километри над Јужниот Атлантски Океан. По првичната рунда обработка на местото на слетување во кинескиот регион на Внатрешна Монголија, капсулата треба да биде пренесена со хеликоптер во Пекинг, каде скапоцениот товар на мисијата ќе биде отстранет за дистрибуција до истражувачите.

Се очекува примероците да вклучуваат вулкански карпи и други материјали кои би можеле да „фрлат свежа светлина“ на потеклото на Месечината и разликите во составот помеѓу блиската и далечната страна. Научниците може да дознаат повеќе за ресурсите во јужниот поларен регион на Месечината. Тој регион е од голем интерес бидејќи се смета дека има наслаги од воден мраз што може да се користи за поддршка на идните населби на Месечината.

НАСА го таргетира јужниот поларен регион за серија роботски мисии – што ќе доведат до слетување со екипаж за време на мисијата Артемида 3, која моментално е закажана за 2026 година. Кина има свои лунарни амбиции, вклучително и планови за испраќање астронаути на површината на Месечината до 2030 година.