Научниците предлагаат полнење на електричните возила во движење – нема повеќе застанување на и онака ретките полначи

Научниците од Универзитетот во Окленд во Нов Зеланд го претставија „полнењето на патиштата“ што може да го реши еден од главните проблеми на електричните возила: недостатокот на инфраструктура за полнење.
Студијата, објавена во списанието „Transportation Research Part F: Traffic Psychology and Behavior“, покажува дека интегрирањето на модулите за полнење на површината на патот ќе овозможи батериите на возилата да се полнат додека возите.

Истражувањето, спроведено меѓу 1.150 возачи и потенцијални купувачи на електрични возила, покажа дека 93% од испитаниците се подготвени да ја прифатат новата технологија. Авторот на студијата Рамеш Мајхи нагласува дека „динамичкото безжично полнење нуди значителни придобивки за патување на долги растојанија, намалувајќи ја зависноста од фиксните станици за полнење“.

Сепак, постои загриженост за цената на таквото полнење и можните ризици поврзани со електромагнетното зрачење и приватноста. Овие прашања бараат понатамошно проучување и развој на безбедни протоколи.

Речиси половина од сите електрични автомобили во светот се во Кина, а најевтиниот електричен автомобил во светот е кинескиот „Great Wall Motors ORA R1“, неговата цена започнува од 8.680 долари. Брзото и лесно полнење на батеријата трае околу 30-40 минути користејќи станици за брзо полнење. Бројот на електрични возила што се користат ширум светот се зголеми од 113 илјади во 2012 година на повеќе од 6 милиони во 2020 година.