„Јас сум најдобра пријателка со мојата шефица – но спијам со нејзиниот маж зад нејзиниот грб“

Водителите на подкастот, „Other People’s Lives“, Џо Сантагато и Грег Дајбек, рекоа дека жена им испратила емаил опишувајќи се себеси и својата шефица како „најдобри пријателки“, но со шокантно признание дека таа тајно спие со нејзиниот маж.

Таа призна: „Многу ми е тешко, затоа што, знаете, размислувам и таа никогаш не ми направила ништо лошо, секогаш била добра кон мене и ми помогнала во многу ситуации. Затоа често се чувствувам виновна поради тоа, и мислам дека единствената причина зошто не сум ја прекинала целата ситуација е затоа што навистина го сакам. Навистина ми значи. Не можам ни да замислам да прекинам да се гледам со него.

Тајната афера започна кога ја добив оваа нова работа и за прв пат имав неверојатна шефица со која станав многу блиски бидејќи имаме сличен морален компас. Таа почна да ме кани на пијачки, но го запознав нејзиниот маж три-четири месеци подоцна. Се заинтересирав за него откако го видов кај мојата шефица на Фејсбук.

И покрај обидите да ги игнорирам овие чувства, кога го видов во живо, тие повторно се разбудија. Па решив малку да разговарам со него следен пат кога ќе одам кај мојата шефица.

За брзо време станавме блиски и се чувствуваше дека е нешто различно од само пријателство, но не сакав да правам ништо во врска со тоа. Сепак еден флертувачки коментар додека бев излезена на пијачка со пријателка промени сè. Флертувавме околу еден месец пред да решиме да се сретнеме.

Кога првпат влегував во сето тоа, бев многу нервозна. Бев толку исплашена, особено затоа што тој е, не знам, 16 до 18 години постар од мене. Значи и тоа само по себе е нервозно. Знаете, не го познавам многу. Го знам само преку текстуалните пораки и што ми кажува и што знам од тоа што ми кажува шефицата. Па бев нервозна, но отидов таму, и стигнав таму и после тоа беше како, добро, сега што? Знаете, затоа што ме праша, „Па, што сега ќе биде ова?“

И му кажав директно, „Па, ова не може да биде афера. Ова не може да биде целосна афера“. Тоа беа моите точни зборови. Му реков дека можеме да се среќаваме повремено. Може да биде повремено нешто.

Сепак нашата тајна романса се претвори во „целосна“ афера и продолжуваме да се гледаме до ден денес, обидувајќи се да се среќаваме најмалку еднаш неделно. Ситуацијата е многу хаотична, но дали е лошо што верувам дека еден ден ќе бидеме вистински пар?