Кнедли полнети со крв, утроба од ферментирана риба и ајкула закопана во земја се едни од најлошите јадења на светот – ве интересира кои други се најдоа на „топ“ листата?

„Taste Atlas“ ја објави својата годишна листа на 100 најлошо оценети оброци на планетата. Рангирани врз основа на 335.106 оценки од корисниците на страницата, резултатите, наводно, биле прецизно проверени пред да се филтрираат оценките.

Страната постои за „промовирање одлична локална храна“ и „влевање гордост во традиционалните јадења“, истовремено охрабрувајќи ги читателите да бидат љубопитни за јадењата што не ги пробале. Сепак, многумина ќе се согласат дека и нивната листа на најлоши јадења е понекогаш привлечна за да се истражи.

Блодпалт (Лапонија)

Сакате да знаете што јаде Дедо Мраз во другите 364 ноќи од годината? Најверојатно помалку колачиња и млеко, повеќе од оваа кнедла од ‘рж или јачменово брашно исполнета со животинска крв.

Иако традиционално се полни со крв од ирваси, модерните регионални ресторани ставаат свинска крв и други видови животинска плазма.

„Понекогаш се полнат со мешавина од запржен кромид и исечкана сланина, и најчесто се ставаат во вкусни чорби од месо“, пишува „Taste Atlas“. „Блодпалт кнедлите обично се уживаат како гарнир, придружени со пржена сланина или свинско месо, путер и џем од бобинки“.

Хакарл (Исланд)

Ферментираната храна е високо рангирана на црната листа на јадења, но можеби ниту една не е толку миризлива како националното јадење на Исланд, во кое има месо од гренландска ајкула – најстариот вид на светот.

Викинзите го измислиле ова јадење откако со недели го закопувале забниот предатор под земја за да го исчистат од токсините и да го направат за јадење. Потоа ја откопувале закопаната ајкула и ја оставале да остаре уште повеќе.

Додека ајкулата сега се ферментира во голем контејнер наместо во земја, сепак ја задржува својата лута нота. Можеби не е ни чудо што покојниот гастроном Ентони Бурдејн го опиша јадењето како „најлошата, најодвратната и најстрашната работа на светот“.

Бокадило де сардинас (Шпанија)

Шпанскиот сендвич исполнет со конзервирана сардина е новата најгрда храна што ќе ја видите на „TikTok“. Генерално се служи на локален стил на багет ( бара де пан ) кој се сече по должина и е украсен со пиперки, домати, цилинтро, зелена салата, кромид, авокадо, маслинки, варени јајца, мајонез, сенф, сос од јогурт, печурки, пржен зеленчук и маслиново масло.

Од страната не прецизираа зошто ова јадење со конзервирана риба е толку омразено – затоа што сардините се попопуларни од кога било надвор од Европа, каде што отсекогаш и биле омилени.

Чешка супа од леб (Чешка)

Оваа традиционална чешка супа се подготвува со комбинација од бајат леб, вода, кромид и зачини во кои понекогаш се згуснуваат со јајца. Не сме сигурни зошто оваа хранлива супа се нашла на црната листа, но можеби навистина треба да се проба за да се увериме.

Јерушалми кугел (Израел)

Оваа густа торта од Ерусалим, која се служи на Шабос и на разни еврејски празници, кои датираат од 1700-тите, е направена од тестенини од јајца премачкани со мешавина од маслиново масло и шеќер зачинета со многу црн пипер. Можеби не би ја изеле целата тава, но повторно не ни е јасно што го прави ова јадење толку нејадливо.

Тајландска супа од утроба од риба (Тајланд)

Ова јадење бара сериозна интестинална подготвеност – спремете се да јадете утроба од ферментирана риба, послужена во паста од кари направена од чили пиперки, галангал, куркума, шелот и маточина. Само во случај органите на рибата да не се доволно за вас, има и многу паста од сушени ракчиња внатре.

Лутер бургер (САД)

САД се вистински иноватори во областа на комбинации за брза храна кои ги збунуваат купувачите. Еден од најнездравите е од „Frankenfoods“. Тоа е чизбургер полн со сланина и плескавица, но и  други состојки… како на пример, две глазирани крофни наместо лепчиња.

Има преку 1.000 калории.

Желе јагули (Велика Британија)

Во годините пред гумените мечиња на „Харибо“, луѓето во Лондон се гоштевале со јагули кои се сечкале и вареле до желатинирање. Тие биле евтина и лесно достапна закуска – поради изобилството на животни во реката Темза.

Ова желе од јагули често се зачинува со бели пиперки и оцет за да се нагласи вкусот, кој многумина го споредуваат со кисела харинга. Сепак, очигледно овој „деликас“ не им се допаѓа на многу луѓе.

Салата Агинарас (Грција)

Можеби изгледа чудно што нешто толку безопасно како грчката салата би се рангирало меѓу најомразените јадења, но еве ја.

Оваа мешавина, која потекнува од Крит, се состои од артичоки кои се исечени и варени во мешавина од вода и сок од лимон.