Келнерка со своето брзо размислување му го спасила животот на 11-годишно момче за кое се сомневала дека е малтретирано од родителите

Во ресторанот „Mrs. Potato“ во Орландо, Флорида, САД, Флаваин Карваљо ја завршувала смената додека ја служела својата последна маса за вечерта. Карваљо ја примила нарачката на едно семејство кое се состоело од момче, неговата мајка и очув. Таа го погледнала момчето и забележала гребнатинка меѓу очите и модринка на слепоочницата.

Откако се оддалечила од масата, Карваљо смислила итар план кој ќе го привлече вниманието на момчето.

Таа напишала белешка на која пишувало „Треба ли помош?“, и успеала скришум да му ја покаже на момчето без неговите родители да ја забележат, а тој одговорил со тресење на главата. А и успеал да напише дека му треба.

„Знаев дека се плаши“, призна подоцна Карваљо.

Потоа Карваљо ѝ се јавила на сопственичката на ресторанот да ја извести дека повикала полиција за родителите на момчето, полицијата пристигнала брзо и го уапсиле очувот на момчето – Тимоти Вислон II, по една точка на злоупотреба на дете од трет степен, а неговата мајка – Кристен Сван – по две точки за занемарување на детето.

Подоцна, едно четиригодишно дете било одземено од семејството од страна на властите, иако таа не покажувала знаци на злоупотреба.

Откако детективите разговарале со момчето, откриле дека неговите родители не го хранеле како форма на казна, што резултирало со недоволна тежина. Откриле и дека е покриен со модринки, откривајќи дека татко му неодамна го претепал со метла.

Момчето откри дека еднаш бил обесен наопаку од глуждовите во рамката од вратата од неговиот очув.

Детективата Лолер изјави: „Да бидам искрена, она низ што поминало ова дете е тортура. Нема оправдување за тоа во ниту една област на светот. Јас сум мајка и гледајќи низ што морало да помине тоа 11-годишно дете ти ја шокира душата“.

Тогаш началникот на полицијата во Орландо Ролон рече дека брзото размислување на Карваљо ги спасило двете деца: „Ова можеше да биде ситуација на убиство доколку таа не интервенираше. Лекцијата овде за сите нас е да препознаеме кога ќе видиме нешто што не е во ред и да направиме нешто во врска со тоа… Ова го спаси животот на едно дете“, објасни тој.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!