Дали овој човек го пронашол „еликсирот на младоста“? И тоа се наоѓа во, верувале или не, секое тенџере за готвење во кујната

Оние кои се заинтересирани да ги спречат ефектите на времето и стареењето, можеби ќе треба да извадат парче хартија и да почнат да ги запишуваат триковите на овој човек, бидејќи тој тврди дека сè уште луѓето мислат дека има 20 години кога ќе го видат.

54-годишниот Џулиус Абрахам можеби „жонглира“ со три работни места и три деца, но не изгледа така. Средовечниот татко тврди дека луѓето претпоставуваат дека тој е најмалку 30 години помлад – а сега, тој ја сподели својата тајна за да нема брчки како нас останатите. Но, пред да се возбудите, бидете предупредени дека нема секој да може да го направи ова.

Џулиус објасни дека во последните две децении, тој ја пиел водата од неговиот зеленчук што се готви, откако бил инспириран од креатор на „YouTube“ кој го правел истото. Тогашниот 36-годишник забележал видео на интернет од жена која го јадела зеленчукот, откако ќе ја пие течноста од варењето, па решил да го следи примерот.

„Имаше 70 години, но изгледаше околу 30“, изјави Џулиус.

Тој смета дека неговата одлука да го следи примерот на жената пред 18 години е причината поради која старее како убаво вино. Џулиус – кој работи како комичар, водител на квиз и водител на аукција на автомобили во Бристол – објасни дека ја пие својата зготвена зеленчукова вода секој ден откако ќе свари избор на производи. Тој обично става во тенџере моркови, половина кеса кељ, цела брокула, половина карфиол и тиквичка.

Таткото на три деца вели дека зеленчукот го мие во зовриена вода, ја лупи кората (кожата) и го сецка пред да го стави во својот сад на пареа. Потоа тој ја остава својата мешавина да се олади преку ноќ бидејќи вели дека дозволува сета пареа да се кондензира назад во тавата под зеленчукот. До моментот кога ќе се разбуди следниот ден, Џулиус го чека хранлив напиток, како и многу зеленчук за јадење.

Јулиус продолжи: „Пијам прочистена вода со хранливи материи што доаѓаат од зеленчукот, а исто така го јадам и зеленчукот, така што тоа е двојна победа. Додавам малку лимон, но се навикнав на вкусот сега, па ја пијам и така без ништо, доста е слатко“.

Според „Birdseye“, готвењето на пареа е подобра алтернатива од другите методи за готвење за зеленчук, бидејќи „минималната додадена вода и нежната индиректна топлина“ му овозможуваат на производот да зачува повеќе од неговите хранливи материи, текстура и вкус.

Во него се објаснува: „Витамините растворливи во вода, како што се витаминот Ц, витаминот Б6 или витаминот Б12, се едни од најподложните за време на готвењето или преработката. Витаминот Ц е толку „кршлив“, што може да се изгуби дури и за време на складирање или транспорт“.