„Јас сум медицинска сестра и ќе ви ја откријам причината зошто комарците ве касаат вас повеќе од вашите пријатели“

Медицинска сестра откри три можни причини зошто комарците ве „јадат“ вас повеќе отколку другите.

Мики Раи објасни дека голем број фактори влегуваат во игра – вклучувајќи ја крвната група, бојата на облека и количината на јаглерод диоксид што го издишувате.

„Дали се чувствувате како да добивате многу повеќе каснувања од комарци од просечниот човек? Ќе ви кажам зошто можеби е тоа така“, рече Мики, од САД, во сега веќе вирално видео на „Инстаграм“.

Прво, таа објасни дека комарците имаат тенденција да претпочитаат крвна група нулта во споредба со другите видови – како А или Б. Тие се исто така привлечени кон поголеми количини на јаглерод диоксид во воздухот.

„Колку сте поголеми, толку повеќе јаглерод диоксид ослободувате, што ве става во ризик. Вие исто така издишувате повеќе јаглерод диоксид после вежбање или кога сте бремени, па може да бидете подложни на каснувања од бубачки“.

На крајот, Мики рече дека и бојата на вашата облека може да привлече и комарци.

„Студиите покажуваат дека комарците повеќе ги привлекуваат темните бои, особено црвената, портокаловата и црната“, додаде таа.

„Значи, носењето светла облека може да помогне“.

Според „Healthline“, неколку други фактори влегуваат во игра, вклучувајќи мирисот на телото и телесната температура.

Истражувањето од 2002 година, исто така, ги разгледало ефектите од консумирањето алкохол врз привлекувањето на комарците и открило дека оние кои консумирале пиво биле попривлечни за инсектите отколку луѓето кои не консумирале пиво.