„Рецепт од тетратките на баба“: Слатки задоволства наречени шаралопчиња со ореви

Рецепт што дефинитивно некои од вас ќе ги врати во детството и веднаш ќе посакате да го направите за вашите најмили. Како што вели „Магична ГАЛА кујна“, овој стар рецепт за шаралопчиња најверојатно е да го најдете во тетратките со рецепти на вашите мајки или баби, а доколку вие сте таа мајка или баба ве потсетуваме да не чекате и веднаш да се фатите за работа.

• Замесете тесто од 3 јајца, 3 лажици шеќер, 1 ванила, рендана кора од лимон, 3 филџани (од 100 мл) масло, 3 филџани млеко, 3 филџани гриз, 1 коцка свеж квасец и брашно. Треба да се добие меко тесто кое не се лепи за раце.
• Оставете го тестото да одмори околу 15 минути.

• Направете топчиња кои ќе ги притиснете на боцкавата страна на рендето, ставете орев и замотајте колаче. Редете ги во тавче и кога се готови сите печете во загреана печка.
• Температурата мора сами да ја одредите затоа што најдобро знаете како пече вашата печка.
• Печените колачиња оставете ги да се извадат.
• Направете шербет од 1 кг шеќер и 1 литар вода. Кога ќе зоврие, оставете да врие 5 минути.

• Колачињата наредете ги во тенџере, прелијте ги со шербет и поклопете со капак. Оставете да го впишат шербетот.
• После 2 часа префрлете ги во друго тенџере, тие што биле горе да бидат долу, шербетот да се загрее повторно, да се прелијат и да се поклопат. Вака сите еднакво впиваат шербет.
• Оставете ги да се изладат. Кога ќе ги послужите посипете ги со мелени ореви.