Сопругата му наплаќала на мажот за да водат љубов, бидејќи тој бил дебел и лош во кревет, а овој поднел барање за развод дури два пати

Маж од Тајван поднел барање за развод од неговата сопруга, откако таа барала да ѝ плати за сексот – поради тоа што тој бил со прекумерна тежина и лош во кревет.

Хао, се оженил со својата сопруга Џуан во 2014 година и заедно имаат две деца. Сепак, проблемите започнале три години подоцна, откако неговата сродна душа го ограничила сексот на еднаш месечно. Две години подоцна, во 2019 година, Џуан одбивала да има секс со него и наводно им рекла на своите роднини дека е „премногу дебел“ и „неспособен“.

Фрустриран поради присилната апстиненција, тој поднел барање за развод во 2021 година, но се откажал од тужбата откако ветил дека ќе работи на нивната врска. Хао дури и го регистрирал нивниот дом на нејзино име. Но, Џуан набргу потоа се вратила на старите начини на кои го блокирала сексот од нивниот живот и наводно почнала да му наплатувала 15 долари секогаш кога сакал да води љубов со неа или дури и да разговара.

„Данокот за секс“ се покажал како пресвртница: Хао поднел барање за развод по втор пат оваа година, што судијата го одобрил со образложение дека нивниот брак е „тежок и тешко се поправа“.
Пред второто рочиште, мажот не разговарал со својата сопруга две години, само комуницирал преку апликации за пораки (најверојатно тоа било бесплатно).

Според адвокатот за развод од Њујорк, Џејмс Секстон, две од главните причини поради кои паровите се разведуваат се проблемите со парите и проблемите во креветот. Секстон тврди дека сексуалната „суша“ обично резултира со неверство, забележувајќи дека „мажите сакаат повеќе квантитативен секс, жените повеќе квалитет“.

„Тоа е истата причина зошто порното е попопуларно кај мажите отколку кај жените – затоа што мажите само сакаат да ја завршат работата“, рече тој.