Пазете се! Најмалата жена на светот се „налути“: „Луѓето ме третираат како бебе и тоа многу ме нервира!“

Најмалата жена на светот откри што е она што луѓето го прават кога зборуваат со неа, а неа ја вади од такт.

Џиоти Амге е потврдена од Гинисовата книга на рекорди како најниската (подвижна) жена во во светот, со само 62,8 см висина. Родена во Нагпур, Индија, 30-годишната Џиоти била дете со нормална големина до својата петта година, кога нејзиниот раст заостанал поради форма на џуџест раст познат како ахондроплазија. Но, тоа не ја спречило да ги постигне своите цели, бидејќи има одлична кариера во шоу бизнисот и масовен број на следбеници на платформите на социјалните мрежи.

Таа беше крунисана како најниска жена во светот во 2009 година, пред да добие Гинисов рекорд кога наполни 18 години. Џиоти сега е помала од просечно едногодишно бебе, но сподели дека има многу надежи и амбиции откако постигнала голем успех на почетокот на нејзината кариера.

Актерката ја стекна својата слава кога ја доби улогата на Ма Петит во четвртата сезона од хит ТВ серијата „American Horror Story“, наречена „Freak Show“, уште во 2014 година. Сепак, со медиумското внимание дојде и огромната негативна страна – Џиоти беше третирана како да е сè уште дете.

Тоа е она што најмногу ја нервира и го откри во интервју за „Entertainment Tonight“: „Кога луѓето ме гледаат на телевизија, стануваат многу среќни затоа што не мора да комуницираат со мене. Кога почнуваат да комуницираат со мене, ми поставуваат прашања како да сум бебе или се однесуваат со мене како да сум бебе и ме држат како да сум бебе, и тоа е она што тие го прават погрешно“, објасни Џиоти.