6 грешки што ги прават луѓето кога ќе им се појават мозолчиња – и што всушност треба да направат

Мозолчиња низ лицето е веројатно една од најфрустрирачките дилеми за нега на кожата со која можете да се справите. Првиот инстинкт ни е да ги стискаме и допираме и посегнуваме по секакви измислици за нега на кожата, несвесни дека така можеме да си ја оштетиме кожната бариера.

Колку и да се чувствувате желни да го решите проблемот, некои вообичаени грешки всушност можат да ги влошат работите. За да се осигураме дека ги избегнувате овие грешки за нега на кожата, ги замоливме професионалците да размислат што никогаш не треба да правите кога ќе видите мозолче.

Не треба да ги стискате

Вашиот прв инстинкт можеби е да стискате или да ги откинете новите мозолчиња, но обидете се да се воздржите.

Кога ќе го стиснете мозолчето, го зголемувате воспалението, како и внесувате повеќе бактерии во кожата, веројатно предизвикувајќи инфекција. Повеќе воспаление значи подолготрајно мозолче, поголема шанса за лузна и поголема шанса за постојано црвенило на посветлата кожа или хиперпигментација кај потемната кожа.

Што да направите наместо тоа: Ако знаете дека не можете да одолеете на стискањето, ставете хидроколоиден фластер над мозолчето. Ова ги држи прстите подалеку, ги чува бактериите надвор и го апсорбира гнојот. Исто така има има фластери за акни со хиларуонска киселина во dm.

Не треба да претерате со пилинг

Искористете ги предностите на состојките за пилинг, насочени кон акни, како што се салицилна киселина и бензоил пероксид, но направете го тоа со одредена воздржаност.

Претераниот пилинг може да ја исуши вашата кожа, да ја отстрани кожата од нејзините природни масла, а за кожа склона кон акни може да ја влоши, што предизвикува повеќе воспаление.

Што да правите наместо тоа: Нежна, намерна грижа е многу подобра за здравјето на вашата кожа. Пилингот треба да се прави не повеќе од два до три пати неделно. Ако се соочувате со изолиран излив, користете насочен третман на дамки на погодената кожа наспроти целокупната апликација.

Не треба премногу да го миете лицето

Додека лошата хигиена може да придонесе за појава на акни во некои случаи, сега знаеме дека причината за акните е многу посложена од тоа. Сепак, постојат стари совети кои инсистираат на тоа дека треба повеќе да го миете лицето или да посегнете по адстрингентни, сушечки средства за чистење. Не правете го тоа! Прекумерното миење на лицето всушност може да ги влоши акните.

Што да правите наместо тоа: Слично на горенаведените совети, важно е да имате понежен пристап. Измијте го лицето не повеќе од два пати на ден – или после вежбање/потење – и секогаш користете нежно средство за чистење. Избегнувајте триење и нежно тапкајте ја кожата сушена.

Не треба да ја прескокнете хидратантна крема

Луѓето со мрсна кожа можеби се чувствуваат како да треба целосно да избегнуваат хидратантна крема, но тоа може да ги влоши и акните. Всушност, недостатокот на влага на површината на вашата кожа може да го поттикне вашето тело да произведува повеќе себум за да го надомести она што му недостасува. Вака завршувате со исушен, ронлив и црвен тен.

Што да направите наместо тоа: Не треба да користите тежок хидратантен крем ако имате мрсна кожа. Наместо тоа, користете навлажнувач без масло, на база на вода. Уште подобро, изберете производ формулиран со смирувачки состојки како што се алое вера, cica, пептиди или екстракт од краставица. Користете го секогаш кога ќе го миете лицето.

Не треба да користите локални пилинзи за цистичните акни

Цистичните акни се карактеризираат како длабоки, големи, болни мозолчиња кои седат подлабоко под кожата. Локалните состојки за пилинг – како салицилна киселина и бензоил пероксид – можат да помогнат на ниво на површина, но тие нема да направат многу за вашиот тен.

Двете состојки го сушат и иритираат епидермисот и не стигнуваат до подлабокиот дермис каде што е воспалението на мозолчето. Тие можат да направат мозолчето да изгледа позабележително со тоа што предизвикуваат црвенило и лупење на кожата околу мозолчето.

Што да правите наместо тоа: за цистични акни, најдобро е да посетите дерматолог. Тие можат да обезбедат инјекција на кортизон за брзо отстранување на една или две цистични точки. За постојани цистични акни, тие можеби ќе сакаат да нурнат подлабоко и да ве наведат на план за третман кој директно го решава проблемот.

Цистичните акни најчесто се поврзани со вашиот начин на живот и исхрана. За цистични акни најчесто се покажува дека млечните прозиводи и шеќерите се оние кои се проблемот. Можеби треба да пробате некои период без нив и ќе видите подобрување на лицето. Исто така да ги проверите хормоните.

Немојте да паѓате психички

Избувнувањето може да предизвика секакви чувства – фрустрација, самосвест, а можеби дури и тага.

Акните се мултифакторски, што значи дека многу работи играат улога, вклучително и работи кои не се во ваша контрола како генетиката, како вашата кожа реагира на хормоните, загадувањето во вашата околина.

Сигурно е тешко бидејќи се на лицето и секој што ќе ве погледне го гледа прво тоа. Но постојат толку многу опции и начини да ги преземете работите во свои раце и да се изборите.

Најдете дерматолог кој сака да лекува акни и ќе биде сочувствителен со вашите грижи. Оттаму, фокусирајте се на работите што можете да ги контролирате, како што се јадење антиинфламаторна храна, доволно спиење, користење чиста постелнина и намалување на стресот.