Џастин Бибер и сопругата Хејли го дочекаа своето прво дете и открија зошто името на бебето има големо значење за нив

Џастин Бибер и неговата сопруга Хејли Бибер објавија дека го дочекале својот прв син во петокот.

30-годишната поп-ѕвезда и 27-годишниот модел станаа родители за прв пат, а тоа го откри Џастин преку пост на „Инстаграм“. Тој сподели фотографија од малото стапало на нивниот син, притоа откривајќи дека му го дале името „Џек Блуз Бибер“.

„ДОБРЕДОЈДЕ ДОМА“, напиша пејачот во описот.

Имено, парот не појасни кога се родил нивниот син.

Хејли повторно ја објави фотографијата на „Инстаграм“ веднаш по првичната објава на Џастин.

Се чини дека името „Џек“ има лично значење за парот, бидејќи тоа е средното име на таткото на Џастин, Џереми Бибер. Џереми се разделил од мајката на Џастин, Пети, кратко по неговото раѓање во Онтарио, Канада, кога и двајцата имале само 18 години.

Уметникот првично го гледал ретко својот татко како дете, но двајцата повторно се поврзале и поминале значително повеќе време заедно откако Џастин станал возрасен, зацврстувајќи го нивниот однос татко-син.

Хејли во голема мера беше надвор од центарот на вниманието на јавноста речиси еден месец. Таа и нејзиниот сопруг беа подготвени за раѓањето на Џек, бидејќи извор изјави за „People“ кон крајот на минатиот месец дека двајцата го очекувале новото бебе во секој момент.