„Дознав дека мојот вереник ме изневерува шест недели пред нашата свадба вредна 40.000 евра – беше предоцна за откажување, па уживав во мојот голем ден без него“

Линдзи Слејтер (31) од Менсфилд, Нотингем открила дека нејзиниот вереник и 12-годишен партнер (36) спиел со некојa другa. Откако се соочила со него, нејзиниот партнер го напуштил семејниот дом и таа останала да мора да ја откаже нивната претстојна свадба.

Меѓутоа, во обид да не биде поразена, таа одлучила нивниот голем ден да го претвори во забава, која ја нарече „прослава на слободата“.

Линдзи им испратила пораки на гостите во текот на денот за да ја објават веста – и објавила статус на Фејсбук за да ги информира своите вечерни гости. Околу 60 до 70 гости дошле на забавата.

Линдзи дури отпатувала на меден месец на 20 август во одморалиште на Крит, Грција, со пријателката Мелиса.

Иако сè уште не е подготвена да продолжи понатаму, Линдзи рече дека нејзината соло венчавка направила да се чувствува „силна и моќна“.

„Не знаев како ќе преживеам. Бев вознемирена – беше предоцна да се вратам на плановите за свадба. Сите тие пари беа потрошени. Но, имаше голем дел од мене кој мислеше „јас сум слободна“ – тоа е почеток на подобра ера. Мило ми е што го направив тоа – навистина уживав во денот. Бев толку изненадена од тоа колку сите ми даваат поддршка – тоа беше толку моќно. Бев опкружена со толку многу љубов – тоа навистина ме потсети дека не ми треба тој“.

Линдзи и нејзиниот поранешен се вериле на почетокот на 2020 година, откако биле заедно од 2012 година. Таа вели дека парот имал „подеми и падови“ како пар, но биле возбудени за денот на нивната венчавка.

По четири години планирање и потрошени 41.000 евра за церемонијата, оброкот, фотографот и забавата, датумот бил одреден за сабота, 17 август. Но, пред свадбата, Линдзи тврди дека нејзиниот партнер признал дека изневерил кога се соочила со него.

Откако првично сакала да продолжи со свадбата и покрај неверството, Линдзи рече дека се вразумила.

Сепак, по промената на мислењето, таа одлучила да продолжи со прославата – ребрендирајќи го како нејзин „ден на слободата“ со помош на сестрата Бет.

„Ги потрошивме сите тие пари – 35.000 фунти, вклучувајќи го и медениот месец. Избрав да го поминам денот со блиските пријатели и семејството – наместо да седам дома и да плачам“.

Сите биле облечени во нивната оригинална свадбена облека – деверушите сè уште ги носеле нивните фустани, а Линдзи сè уште ја носела нејзината венчаница од 1400 евра.

„Им се заблагодарив на целото мое семејство и пријатели што беа таму – реков дека не знам како ќе го преживеам ова тешко искушение. Но, гледајќи ги сите оние лица кои ми даваат поддршка, се чувствував малку подобро“.