Египет отсекогаш градел чуда, продолжува и во денешно време: Ќе си изградат нов главен град, еве како ќе изгледа

Главниот град на Египет, Каиро, со богата илјадагодишна историја, наскоро ќе отстапи место на новиот мега-проект – Новата административна престолнина (NAC). Сателитските снимки покажуваат како овој амбициозен развој се претвора од линии на мапа во реалност.

Во 2015 година, египетските власти објавија планови за изградба на нов град со површина од 700 квадратни километри, кој се наоѓа на само 45 километри од Каиро. Првично, проектот изгледаше како фантазија – линии на пустинска област. Но, до август 2024 година, проектот значително се промени.

Уште во 2017 година, сателитските снимки покажаа само линии во песокот, но до август 2024 година, овие линии се претворија во грандиозни структури. Еден од клучните елементи на новиот главен град беше паркот Грин Ривер, кој се протега на 10 километри. Повеќе од двојно поголема од Њујоршкиот Централ парк, оваа зелена оаза ќе обезбеди засолниште за пешаците и велосипедистите каде што жителите и посетителите ќе можат да уживаат во природата и свежиот воздух.

На NAC се наоѓаат и владини згради, вклучувајќи го и новиот комплекс на Министерството за одбрана наречен Октагон, кој изгледа како огромен круг одозгора.

Појавата на нов главен град е поврзана со брзиот раст на населението во Каиро. Во текот на изминатите 70 години, населението на градот се зголеми од 2,5 милиони на 22,6 милиони луѓе. Пренаселеноста, транспортните проблеми и недостатокот на инфраструктура станаа сериозни предизвици за стариот град.

„Каиро не е погоден за египетскиот народ“, изјави портпаролот на проектот Калед Ел-Хусеини за „Гардијан“ во 2018 година. „Има сообраќаен метеж на секоја улица, инфраструктурата не може да го поддржи населението и има многу гужва“.

Новиот главен град е дизајниран да прими 6 милиони луѓе, што треба да го намали товарот на Каиро. Неговата изградба вклучува создавање на модерна инфраструктура, попространа животна средина и развој на економијата на земјата.

„Има уште многу работа пред нас, но веќе е јасно дека овој проект ќе ги промени животите на милиони луѓе и ќе стане новото срце на земјата“.