Потрошила 10.000 долари за да изгледа како Барби, но сега луѓето ја нарекуваат „кловн“. Хмм, зошто?

Џејд се опишува како „Барби 24/7“. Таа се облекува во розово од глава до пети, потрошила околу 630 долари само за полнење на усните и направила операција на гради на само 18 години. 29-годишната девојка, позната онлајн како „Барби Џејд“, е навикната на „хејтери“ кои оставаат лоши коментари на нејзиниот Инстаграм.

„Не одговарам на негативните коментари затоа што воопшто не ме мачат. Навистина сум среќна со тоа која сум, како изгледам, мојата личност и што работам.“

Џејд, која е од Бристол, објасни дека почнала да се фокусира на нехируршки начини да го одржи својот Барби изглед, како користење на шминка, нега на кожата и здрава исхрана.

На пример, веќе не носи перики и сега сама си ја бојадисува косата. Браво Џејд!

Таа, исто така, ги исцртува веѓите повисоко за да изгледа како да направила „мини лифтинг на лице“. Таа додаде: „Имам поминато часови истражувајќи производи за да се осигурам дека изгледам најдобро! Искрено, мислам дека сега изгледам подобро отколку кога имав 19 години!“

Таа спомна дека во минатото луѓето ја нарекувале работи како кловн, 50-годишна или дури и „грозна“. „Секој лош коментар што можеш да го замислиш, го имам слушнато“, рече таа. „Но, исто така, добивам многу убави коментари онлајн“.

Џејд верува дека нејзиниот подобрен изглед се должи и на тоа што го прифатила својот омилен стил: розово. „Сè мора да биде розово – нокти, прсти, пирсинзи“, рече таа. „Колку повеќе сум розова, русокоса и како Барби, толку сум посреќна. Тоа ми е сè, цел животен стил.“